தவறவிடாதீர்கள்..!உடனே பதிவு செய்யுங்கள்

இலங்கைக் கிரிக்கெட் நிறு­வனம் நடத்தும் சுப்பர் இரு­ப­துக்கு 20 மா­காணக் கிரிக்கெட் போட்டித் தொடரில் நேற்று நடை­பெற்ற முத­லா­வது போட்­டியில் கொழும்பு கொமாண்டர்ஸ் அணியை 6 விக்­கெட்­டுக்கள் வித்­தி­யா­சத்தில் தில்ஷான் தலை­மை­யி­லான அம்­பாந்­தோட்டை ட்ரூபர்ஸ் அணி வெற்­றி­பெற்­றது.

இந்தப் போட்­டியில் முதலில் துடுப்­பெ­டுத்­தா­டிய கொழும்பு அணி நிர்­ண­யிக்­கப்­பட்ட 20 ஓவர்கள் நிறை­வில் 8 விக்­கெட்­டுக்­களை இழந்து 162 ஓட்­டங்­களைப் பெற்­றுக்­கொண்­டது. இதில் ஆரம்பத் துடுப்­பாட்ட வீர­ராகக் கள­மி­றங்­கிய திக்­வெல அதி­கூ­டிய ஓட்­ட­மாக 51 ஓட்­டங்­களைப் பெற்றார்.

163 என்ற வெற்றி இலக்கை விரட்­டிய அம்­பாந்­தோட்டை அணி 18.1 ஓவர்­களில் 4 விக்­கெட்­டுக்­களை மாத்­திரம் இழந்து இலக்கை அடைந்து வெற்­றி­பெற்­றது. இதில் பிர­சன்ன(40)இ வீரக்­கொடி(36)இ பிர­யஞ்சன் ஆட்­ட­மி­ழக்­காமல் 41 ஒட்­டங்­களைப் பெற்­றுக்­கொண்­டனர். அணித் தலைவர் தில்ஷான் 4 ஓட்­டங்­க­ளுடன் ஆட்­ட­மி­ழந்தார்.

மற்­றொரு போட்­டியில் குரு­ணா­கலை வோரியர்ஸ் மற்றும் காலி கார்­டியன்ஸ் அணிகள் மோதின. இதில் மிலந்த மற்றும் ஜய­சுந்­த­ரவின் அதி­ரடி ஆட்­டத்தால் காலி அணி 8 விக்­கெட்­டுக்கள் வித்­தி­யா­சத்தில் வெற்­றி­பெற்­றது. முதலில் ஆடிய குரு­ணா­கலை அணி 20 ஓவர்­களில் 9 விக்­கெட்­டுக்­களை இழந்து 129 ஓட்­டங்­களைப் பெற்­றுக்­கொண்­டது.

பதி­லுக்கு ஆடிய காலி அணி 16.3 ஓவர்களில் 2 விக்கெட்டுக்களை மாத்திரம் இழந்து 130 ஓட்டங்களைப் பெற்று வெற்றிபெற்றது.

இதில் 43 பந்­து­களில் 78 ஓட்­டங்­களை விளா­சிய மிலிந்த மற்றும் ஆட்­ட­மி­ழக்­காமல் 39 ஓட்­டங்­களைப் பெற்ற ஜயசுந்தர காலி அணிக்கு வெற்­றியைத் தேடித் தந்தனர்.