தவறவிடாதீர்கள்..!உடனே பதிவு செய்யுங்கள்

ஐ.சி.சி. நடத்தும் 19 வய­துக்­குட்­பட்­டோ­ருக்­கான 9ஆவது 50 ஓவர் உலகக் கிண்ணக் கிரிக்கெட் தொடர் பங்­க­ளா­தேஷில் நேற்று ஆரம்­ப­மா­னது. இதில் மொத்தம் 16 அணிகள் பங்­கேற்­கின்­றன. இந்த அணிகள் 4 பிரி­வு­க­ளாக பிரிக்­கப்­பட்­டுள்­ளன.

இந்தத் தொடரில் இலங்கை அணி பி பிரிவில் இடம்­பெற்­றுள்­ளது. இலங்­கை­யோடு அதே பிரிவில் ஆப்­கா­னிஸ்தான், பாகிஸ்தான் மற்றும் கனடா ஆகிய அணிகள் இடம்­பெற்­றுள்­ளன.

இந்தத் தொடரின் முதல் போட்­டியில் இங்­கி­லாந்து பிஜி அணிகள் பலப்­ப­ரீட்சை நடத்­தின. இதில் முதலில் துடுப்­பெ­டுத்­தா­டிய இங்­கி­லாந்து அணி 50 ஓவர்கள் நிறைவில் 3 விக்­கெட்­டுக்­களை இழந்து 371 ஓட்­டங்­களைப் பெற்­றது. இதில் இங்­கி­லாந்தின் லோரன்ஸ் 174 ஓட்­டங்­களை விளா­சினார். அத்­தோடு பர்ணாம் 148 ஓட்­டங்­களை விளா­சினார். 372 என்ற கடி­ன­மான வெற்றி இலக்கைத் துரத்­திய பிஜி அணி 27.3 ஓவர்­களில் 72 ஓட்­டங்­க­ளுக்கு சகல விக்­கெட்­டுக்­க­ளையும் இழந்து 299 ஓட்­டங்­களால் தோல்­வி­ய­டைந்­தது.

இதே­தொ­டரின் மற்­றொரு போட்­டியில் 43 ஓட்­டங்கள் வித்­தி­யா­சத்தில் தென்­னா­பி­ரிக்­காவை வீழ்த்­தி­யது பங்­க­ளாதேஷ். இந்தப் போட்­டியில் முதலில் துடுப்­பெ­டுத்­தா­டிய பங்­க­ளாதேஷ் 50 ஓவர்­களில் 7 விக்­கெட்­டுக்­களை இழந்து 240 ஓட்­டங்­களைப் பெற்­றது. இதில் நஸ்முல் ஹொசேன் 73 ஓட்­டங்­களை அதி­கூ­டிய ஓட்­ட­மாகப் பெற்றார். பதி­லுக்குத் துடுப்­பெ­டுத்­தா­டிய தென்­னா­பி­ரிக்க அணி 48.4 ஓவர்­களில் 197 ஓட்­டங்­க­ளுக்கு சகல விக்கெட்­டுக்­க­ளையும் இழந்து தோல்­வியைத் தழு­விக்கொண்­டது.

இதில் தென்னா­பி­ரிக்­காவின் ஆரம்பத் துடுப்­பாட்ட வீர­ராகக் கள­மி­றங்­கிய ஸ்மித் 100 ஓட்டங்களைப் பெற்றார். ஏனைய வீரர்கள் அனைவரும் சொற்பஓட்டங்களுடன் ஆட்டமிழந்தனர்.

இன்று நடைபெறவுள்ள முதல் போட்டியில் இலங்கை அணி கனடாவை எதிர்த்தாடுகிறது.