தவறவிடாதீர்கள்..!உடனே பதிவு செய்யுங்கள்

மீகொடை சந்திக்கு அருகில் தானசாலையின்  மீது கெப் ரக வாகனம் மோதி ஆறு பேர் உயிரிழந்த விபத்துச் சம்பவத்தின் பின்னர் தப்பியோடித் தலைமறைவாகியிருந்த முக்கிய சந்தேகநபர்கள் இருவர் கைது செய்யப்பட்டுள்ளனர்.

இவ்விபத்துடன் தொடர்புடைய வாகனத்தின் பதிவு செய்யப்பட்ட உரிமையாளரான அத்தனாயக்ககே டொன் வசந்த மற்றும் மற்றொருவரே இவ்வாறு கைது செய்யப்பட்டுள்ளனர்.

சம்பவம் நடந்த இடத்திலிருந்து தப்பியோடிய இவர்களைக் கைது செய்வதற்காகப் பொலிஸார் பொதுமக்களின் உதவியைக் கோரியிருந்த நிலையிலும், விசேட பொலிஸ் குழுக்கள் தேடுதல் நடத்தி வந்த நிலையிலும், சந்தேகநபர்கள் இருவரும் இன்று சனிக்கிழமை ஒரு சட்டத்தரணி ஊடாக மீகொடை பொலிஸ் நிலையத்தில் சரணடைந்துள்ளனர்.

இதனைத் தொடர்ந்தே பொலிஸார் இவர்களை கைது செய்துள்ளதாக பொலிஸார் தெரிவித்தனர்.

கைது செய்யப்பட்டுள்ள சந்தேகநபர்களை நீதிமன்றத்தில் ஆஜர்படுத்துவதற்காக மீகொடை பொலிஸார் நடவடிக்கைகளை எடுத்துவருவதாக தெரிவித்துள்ளனர்.