தவறவிடாதீர்கள்..!உடனே பதிவு செய்யுங்கள்

பொதுமக்கள் பாதுகாப்பு மற்றும் பாராளுமன்ற விவகாரங்கள் தொடர்பான அமைச்சுசார் ஆலோசனைக் குழுக் கூட்டம், பொதுமக்கள் பாதுகாப்பு மற்றும் பாராளுமன்ற விவகாரங்கள் அமைச்சர் ஆனந்த விஜேபால தலைமையில் பாராளுமன்றத்தில் நடைபெற்றது.

இந்தக் கூட்டத்தில் பொலிஸ்மா அதிபர் கலந்துகொண்டதுடன், பொலிஸ் சேவையுடன் தொடர்புடைய பல்வேறு முக்கிய விடயங்கள் குறித்து விரிவாக கலந்துரையாடப்பட்டது.

இதன்போது, நாடளாவிய ரீதியில் உள்ள பொலிஸ் நிலையங்களின் வளங்கள் மற்றும் சேவைகளை வலுப்படுத்துதல், மாவட்ட ஒருங்கிணைப்புக் குழுக்களில் பொலிஸ் அதிகாரிகளின் பிரதிநிதித்துவத்தை உறுதிப்படுத்துதல் உள்ளிட்ட விடயங்கள் குறித்து பாராளுமன்ற உறுப்பினர்கள் கவனம் செலுத்தினர்.

அத்துடன், கிளிநொச்சி மாவட்டத்தை மையமாகக் கொண்டு நடைபெறுவதாகக் கூறப்படும் சட்டவிரோத மணல் அகழ்வு மற்றும் விற்பனை நடவடிக்கைகளை கட்டுப்படுத்துவதற்கான அவசியமும் குழுவின் கவனத்திற்குக் கொண்டுவரப்பட்டது.