தவறவிடாதீர்கள்..!உடனே பதிவு செய்யுங்கள்

தெலுங்கு திரையுலகின் முன்னணி நட்சத்திர நடிகரான ரவி தேஜா கதையின் நாயகனாக முதன்மையான வேடத்தில் நடித்திருக்கும் 'இருமுடி கட்டு' எனும் திரைப்படத்தின் அறிமுக காணொளி வெளியிடப்பட்டிருக்கிறது.

இயக்குநர் ஷிவ நிர்வனா இயக்கத்தில் உருவாகி வரும் 'இருமுடி கட்டு' திரைப்படத்தில் ரவி தேஜா, பிரியா பவானி சங்கர், சாய்குமார், பேபி நட்சத்திரா உள்ளிட்ட பலர் நடித்திருக்கிறார்கள். விஷ்ணு ஷர்மா ஒளிப்பதிவு செய்திருக்கும் இந்த திரைப்படத்திற்கு 'இசை அசுரன்' ஜீ. வி. பிரகாஷ் குமார் இசையமைத்திருக்கிறார். சமூக பக்தி திரைப்படமாக தயாராகி இருக்கும் இந்த திரைப்படத்தை மைத்ரி மூவி மேக்கர்ஸ் நிறுவனம் சார்பில் தயாரிப்பாளர்கள் நவீன் யெர்னேனி மற்றும் வை . ரவிசங்கர் ஆகியோர் இணைந்து தயாரித்திருக்கிறார்கள். இந்த திரைப்படத்தை டி சீரிஸ் பிலிம்ஸ் நிறுவனம் சார்பில் தயாரிப்பாளர்கள் குல்சன் குமார் மற்றும் பூஷன் குமார் ஆகியோர் வழங்குகிறார்கள்.

தமிழ் மற்றும் தெலுங்கு மொழியில் தயாராகி வரும் 'இருமுடி கட்டு' திரைப்படத்தின் அறிமுக காணொளி வெளியிடப்பட்டிருக்கிறது. இதில் ஒரு தந்தைக்கும்- மகளுக்கும் இடையேயான ஆன்மீக ரீதியிலான உணர்வு விவரிக்கப்பட்டிருக்கிறது என்பதும்... மதுப்பழக்கம் குடும்பத்தை எப்படி சிதைக்கிறது என்பதை விவரித்திருப்பதாலும்... அனைத்து தரப்பு ரசிகர்களிடத்திலும் இப்படத்தின் அறிமுக காணொளி தாக்கத்தை ஏற்படுத்துகிறது. இதன் காரணமாக படத்தின் மீதான எதிர்பார்ப்பும் அதிகரித்திருக்கிறது.