தவறவிடாதீர்கள்..!உடனே பதிவு செய்யுங்கள்

'இரு அண்டைய நாடுகளுக்கும் இடையே தான் அமைதியை ஏற்படுத்தியதாக டொனால்ட் டிரம்ப் பலமுறை உரிமை கோரியிருந்தாலும், தெற்காசியாவில் உள்ள அணு ஆயுதமேந்திய இரு நாடுகளுக்கு இடையிலான விவகாரங்களில் மூன்றாம் தரப்பு மத்தியஸ்தத்தை ஒருபோதும் ஏற்பதில்லை என்ற தனது வெளியுறவுக் கொள்கையின் அடிப்படையில் புதுடில்லி டிரம்பின் கூற்றைத் தொடர்ந்து மறுத்து வருகிறது. மேலும், பாகிஸ்தான் இராணுவத் தளபதி ஆசிம் முனீர் மீது டிரம்ப் காட்டி வரும் பகிரங்கமான பாசமும், அவரைத் தனது 'விருப்பமான பீல்ட் மார்ஷல்' என்று டிரம்ப் அழைத்ததும் புதுடில்லியைப் பெரும் அதிருப்திக்குள்ளாக்கியுள்ளது. ஈரான் மற்றும் அமெரிக்காவுக்கு இடையிலான அமைதி பேச்சுவார்த்தைகளில் பாகிஸ்தான் மேற்கொண்டு வரும் மத்தியஸ்த முயற்சிகள், இஸ்லாமாபாத்தையும் வாஷிங்டனையும் மேலும் நெருக்கமாக்கியுள்ளன. பாகிஸ்தான் ஈரானுடன் நீண்ட எல்லையைப் பகிர்ந்து கொள்வதால், அந்த நாட்டைத் தனக்கு நெருக்கமாக வைத்திருப்பது அமெரிக்காவின் புவிசார் மூலோபாயத்திற்கு இன்றியமையாதது என்பதால் இதில் ஆச்சரியப்படுவதற்கு எதுவுமில்லை'