தவறவிடாதீர்கள்..!உடனே பதிவு செய்யுங்கள்

பெளத்த பிக்குகளைப் போன்றே இலங்கையில் சிங்கள சமூக ஆசிரியர்களுக்கு பெளத்தர்களுக்கு மிகுந்த மரியாதை உள்ளது. விகாரைகளில் பெளத்த பிக்குகளையடுத்து அவர்கள் அதிகமாக வழிபடும் தரப்பினராக  ஆசிரியர்கள் இருக்கின்றனர். அவர்கள் பாடசாலை அதிபர்களாக இருந்தால் என்ன, ஆசிரியர்களாக இருந்தால் என்ன, பல்கலைக்கழக விரிவுரையாளர்களாக இருந்தால் என்ன? தமக்கு கற்பித்த ஆசான்களை வீதிகளில் சந்தித்தாலும் கால்களில் விழுந்து ஆசிர்வாதம் வாங்கும் ஒரு கலாசாரம்  சிங்கள பெளத்த மாணவர்களிடையே இன்னும் உள்ளது. ஆனால் இன்று இந்த இரு தரப்பினரையும் கண்டு அச்சமுறும் வண்ணம் சம்பவங்கள் இடம்பெறுவதால் தமது பிள்ளைகளை பல்கலைக்கழகங்களுக்கு அனுப்பவும்  ஆன்மிக கல்வியை (தாம் பாசல்) கற்க பெளத்த விகாரைகளுக்கு அனுப்பவும் பெற்றோர்கள் தயங்கி வருவதை காணக் கூடியதாக உள்ளது. அதே வேளை நாட்டின் நீதித்துறையிலும் தமது நம்பிக்கையை பெற்றோர்கள் இழந்து வரும் சூழல் உள்ளது.