தவறவிடாதீர்கள்..!உடனே பதிவு செய்யுங்கள்

வலான மத்திய ஊழல் ஒழிப்பு அதிரடிப்படையினரால் மேற்கொள்ளப்பட்ட சோதனையின் போது, பெருந்தொகையான சட்டவிரோத மதுபானத்துடன் சந்தேகநபர் ஒருவர் கைது செய்யப்பட்டுள்ளார்.

வலான மத்திய ஊழல் ஒழிப்பு அதிரடிப்படை அதிகாரிகள் குழுவொன்றினால் கஹதுடுவ பொலிஸ் பிரிவிற்குட்பட்ட தேவத்த பகுதியில் முன்னெடக்கப்பட்ட சோதனையின்போதே இந்த கைது நடவடிக்கை இடம்பெற்றுள்ளது.

இதன்போது, 75 லீற்றர் சட்டவிரோத மதுபானம் கைப்பற்றப்பட்டுள்ளதுடன் சந்தேகநபர் கஹதுடுவ பொலிஸ் நிலையத்தில் ஒப்படைக்கப்பட்டுள்ளார்.

கைது செய்யப்பட்ட சந்தேகநபர் பண்டாரகம பகுதியைச் சேர்ந்த 50 வயதுடையவர் என தெரிவிக்கப்படுகிறது.

இச்சம்பவம் தொடர்பில் கஹதுடுவ பொலிஸார் மேலதிக விசாரணைகளில் ஈடுபட்டு   வருகின்றனர்.