தவறவிடாதீர்கள்..!உடனே பதிவு செய்யுங்கள்

தம்பலகாமம் பொலிஸ் பிரிவிற்குட்பட்ட சேனவல்லி பகுதியில், நேற்று சனிக்கிழமை (16) நீரில் மூழ்கி நபரொருவர் உயிரிழந்துள்ளார். 

குறித்த பகுதியிலுள்ள குளத்தில் மூழ்கி நபரொருவர் உயிரிழந்துள்ளதாக பொலிஸாருக்கு கிடைத்த தகவலுக்கமைய சடலம் மீட்கப்பட்டுள்ளது. 

சம்பவத்திவ் உயிரிழந்தவர் தம்பலகாமம், அர்பாநகர் பகுதியைச் சேர்ந்த 35 வயதுடையவர் என அடையாளம் காணப்பட்டுள்ளார்.

உயிரிழந்த நபர் குளத்தில் மீன்பிடித்துக் கொண்டிருந்த போது, அவருக்கு ஏற்பட்ட திடீர் உடல்நலக்குறைவு காரணமாக மயக்கமடைந்து நீரில் மூழ்கியே இந்த விபத்து ஏற்பட்டுள்ளதாக முதற்கட்ட விசாரணைகளில் தெரியவந்துள்ளது.

இந்த சம்பவம் தொடர்பில் தம்பலகாமம் பொலிஸார் மேலதிக விசாரணைகளில் ஈடுபட்டு வருகின்றனர்.