தவறவிடாதீர்கள்..!உடனே பதிவு செய்யுங்கள்

வனவாசல மற்றும் ஹுனுபிட்டிய ரயில் நிலையங்களுக்கு இடையே இன்று சனிக்கிழமை (16) காலை ரயில் விபத்து இடம்பெற்ற இடத்தில், ரயில் தண்டவாளத்தின் ஆணிகளைக்  கழற்றிய குற்றச்சாட்டில் சந்தேகத்தின் அடிப்படையில் நபர் ஒருவர் கைது செய்யப்பட்டுள்ளார்.

பேலியகொடை பொலிஸாரினால் இந்த சந்தேக நபர் கைது செய்யப்பட்டுள்ளதாகத் தெரிவிக்கப்படுகிறது.

சந்தேக நபர் போதைப்பொருளுக்கு அடிமையானவர்  என பொலிஸார் மேலும் தெரிவித்துள்ளனர்.

இது தொடர்பாக பொலிஸார் நடத்திய முதற்கட்ட விசாரணையில், ரயில் தண்டவாளத்திலிருந்து அகற்றப்பட்ட ஆணியை ஒரு குறிப்பிட்ட இடத்துக்குக் கொண்டு சென்றவர் இந்த சந்தேக நபர்தான் என்பது தெரியவந்துள்ளது.

மேலும், இந்தச் சம்பவம் தொடர்பாக மற்றொரு சந்தேக நபரைக் கைது செய்வதற்கான விசாரணையை பொலிஸார் தொடங்கியுள்ளனர்.