தவறவிடாதீர்கள்..!உடனே பதிவு செய்யுங்கள்

வவுனியா வடக்கில் பல வீதிகளின் புனரமைப்புக்காக வீதியோரங்களில் இரு மாதங்களுக்கு முன் மதகுகள் இறக்கப்பட்ட போதும் வீதி புனரமைப்பு நடவடிக்கைகள் இடம்பெறவில்லை என பொது மக்கள் குற்றம் சாட்டியுள்ளனர்.

வவுனியா வடக்கு பிரதேச சபைக்குட்பட்ட குளவிசுட்டான், பட்டிக்குடியிருப்பு, புளியங்குளம், கனகராயன்குளம் வடக்கு, கனகராயன்குளம் தெற்கு, நைனாமடு ஆகிய பகுதிகளில் உள்ள உள்ளுர் வீதிககள் சீரற்ற நிலையில் காணப்பட்டமையால் அப் பகுதி மக்கள் தொடர்ச்சியாக முன் வைத்த கோரிக்கைகு அமைவாக வட்டார உறுப்பினர்களின் வேண்டு கோளுக்கு இணங்க குறித்த வீதிகளை புனரமைப்பதற்காக பதில் தவிசாளராக செயற்பட்ட வி.சஞ்சுதன் மற்றும் பிரதேச சபை தொழில் நுட்ப உத்தியோகத்தர் ஆகியோர் வட்டார உறுப்பினர்களுடன் இணைந்து குறித்த வீதிகளை பார்வையிட்டு அவறறை புனரமைப்பு செய்வதற்காக வீதியோரங்களில் இரு மாதங்களுக்கு முன்னர் மதகுகள் இறக்கப்பட்டன.

மதகுகள் இறங்கப்பட்டு இரண்டு மாதங்கள் கடந்துள்ள நிலையில் இது வரை வீதி புனரமைப்பு நடவடிக்கைகள எதுவும் முன்னெடுக்கப்படவில்லை. இது தொடர்பில் வட்டார உறுப்பினர்களால் சபை தவிசாளர் தி.கிருஸ்ணவேணி அவர்களின கவனத்திற்கு கொண்டு சென்ற போதும் அது தொடர்பில் எந்த நடவடிக்கையும் எடுக்கப்படாது பிரதேச சபை அசமந்தமாக செயற்படுவதாக பொது மக்கள் குற்றம் சாட்டியுள்ளனர்.