தவறவிடாதீர்கள்..!உடனே பதிவு செய்யுங்கள்

2013ஆம் ஆண்டு ஸ்ரீலங்கன் ஏர்லைன்ஸ் நிறுவனத்திற்காக எயார்பஸ் A-330 ரகத்தைச் சேர்ந்த 6 விமானங்களையும், A-350 ரகத்தைச் சேர்ந்த 8 விமானங்களையும் கொள்வனவு செய்தபோது, 2 மில்லியன் அமெரிக்க டொலர்களை கையூட்டாகப் பெற்றதாக கபில சந்திரசேன மற்றும் அவரது மனைவி மீது குற்றம் சுமத்தப்பட்டது. இந்த கொடுக்கல் வாங்கலில் தனக்குக் கிடைத்த 2 மில்லியன் அமெரிக்க டொலர்களில், 20 மில்லியன் ரூபாயை அன்றைய சிவில் விமானப் போக்குவரத்து அமைச்சர் பிரியங்கர ஜயரத்னவுக்கும், 60 மில்லியன் ரூபாயை அன்றைய ஜனாதிபதி மஹிந்த ராஜபக்ஷவிற்கும் வழங்கியதாக கபில சந்திரசேன கூறியுள்ளதாக இலஞ்ச ஊழல் ஆணைக்குழு நீதிமன்றில் தெரிவித்திருந்தது. இது தொடர்பில் வாக்குமூலம் அளிக்க முன்னாள் ஜனாதிபதி மகிந்தவை இலஞ்ச ஊழல் ஆணைக்குழு அழைப்பு விடுத்திருந்தது. அத்தினத்துக்கு நான்கு நாட்களுக்கு முன்பதாக கபில சந்திரசேன மர்மமான முறையில் இறந்து சடலமாக மீட்கப்பட்டுள்ளார். இச்சம்பவம் பல தரப்பினரின் மீது சந்தேகங்களை தோற்றுவித்துள்ளது.