தவறவிடாதீர்கள்..!உடனே பதிவு செய்யுங்கள்

தமிழகத்தில் புதிய ஆட்சி அமைப்பதற்கான அரசியல் நகர்வுகள் உச்சக்கட்டத்தை எட்டியுள்ளன. தமிழக வெற்றிக் கழகத்திற்கு (த.வெ.க) ஆதரவு அளிக்கும் எம்.எல்.ஏ-க்களின் எண்ணிக்கை 118 ஆக உயர்ந்துள்ளதை அடுத்து, தலைவர் விஜய் ஆளுநரைச் சந்திக்க மீண்டும் அனுமதி கோரியுள்ளார்.

வி.சி.க-வின் 2 எம்.எல்.ஏ-க்கள் மற்றும் கம்யூனிஸ்ட் கட்சிகளின் ஆதரவுடன், த.வெ.க தலைமையிலான கூட்டணியின் பலம் தற்போது 118 ஆக அதிகரித்துள்ளது. இது தமிழகத்தில் ஆட்சி அமைக்கத் தேவையான மேஜிக் எண்ணாகும்.

ஆதரவு கடிதங்கள் அனைத்தும் தயாராக உள்ள நிலையில், ஆளுநர் ஆர்.என்.ரவியை நேரில் சந்தித்து ஆட்சி அமைக்க உரிமை கோருவதற்காக விஜய் தரப்பிலிருந்து ராஜ்பவனுக்கு மீண்டும் கடிதம் அனுப்பப்பட்டுள்ளது. இன்று மாலை அல்லது நாளை காலை அவருக்குச் சந்திப்பிற்கான நேரம் ஒதுக்கப்படலாம் எனத் தெரிகிறது.

ஆளுநரின் அழைப்பு கிடைத்தவுடன், தமிழகத்தின் புதிய முதலமைச்சராக விஜய் பதவியேற்பதற்கான ஏற்பாடுகள் தொடங்கும். இதற்கான பூர்வாங்கப் பணிகளில் த.வெ.க நிர்வாகிகள் தீவிரமாக ஈடுபட்டு வருகின்றனர்.

1967-க்குப் பிறகு திராவிடக் கட்சிகள் அல்லாத ஒரு புதிய தலைமையின் கீழ் தமிழகத்தில் ஆட்சி அமையவுள்ளதால், இந்த நிகழ்வு இந்திய அரசியலிலேயே பெரும் கவனத்தைப் பெற்றுள்ளது.

ஆட்சி அமைப்பதில் இருந்த அனைத்துத் தடைகளும் நீங்கியுள்ளதால், த.வெ.க தொண்டர்கள் மிகுந்த உற்சாகத்தில் உள்ளனர்.