தவறவிடாதீர்கள்..!உடனே பதிவு செய்யுங்கள்

ஐக்கிய மக்கள் சக்தியின் பிரதிச் செயலாளரான உமா சந்திரபிரகாஷ் கட்சியின் இரு முக்கிய பதவிகளுக்கு பொறுப்பாக நியமிக்கப்பட்டுள்ளார். 

அந்த வகையில் கட்சியின் கொழும்பு மாவட்ட அமைப்பாளராகவும் தமிழ் சமூகப் பிரிவுக்கான செயலாளராகவும் நியமிக்கப்பட்டுள்ள இவர், கட்சித் தலைவர் சஜித் பிரேமதாசவிடம் நேற்றைய தினம் (5) தலைமை அலுவலகத்தில் வைத்து நியமனக் கடிதங்களை பெற்றுக்கொண்டார்.

தன் மீது நம்பிக்கை வைத்து இந்தப் பொறுப்புகளை வழங்கிய சஜித் பிரேமதாசவுக்கு மனமார்ந்த நன்றிகளை தெரிவித்துக்கொண்ட இவர், தமிழ் சமூகத்துக்கும் கொழும்பு மாவட்ட மக்களுக்கும் அர்ப்பணிப்புடன்  சேவையாற்றுவேன் என உறுதியளிப்பதாக குறிப்பிட்டுள்ளார்.