தவறவிடாதீர்கள்..!உடனே பதிவு செய்யுங்கள்

சென்னையில் நடைபெற்ற தமிழக வெற்றிக் கழகத்தின் சட்டமன்ற உறுப்பினர்கள் கூட்டத்தில் சட்டப்பேரவை கட்சித் தலைவராக விஜய் தெரிவு செய்யப்பட்டுள்ளார்.

அண்மையில் நிறைவடைந்த 17 வது தமிழக சட்டப்பேரவை தேர்தலில் புதிதாக களம் இறங்கிய நடிகர் விஜய் தலைமையிலான தமிழக வெற்றி கழகம் யாரும் எதிர்பாராத அளவிற்கு பெருவாரியான வாக்குகளை பெற்று 108 தொகுதிகளில் வெற்றி பெற்றது. ஆட்சி அமைப்பதற்கான தனி பெரும்பான்மை இல்லாவிட்டாலும்.. சில கட்சிகளின் ஆதரவுடன் ஆட்சி அமைக்க தமிழக வெற்றிக்கழகம் தயாராகி வருகிறது.

பெரும்பான்மைக்கு 10 இடங்கள் தேவை என்ற நிலையில் கம்யூனிஸ்ட் கட்சிகள்- விடுதலை சிறுத்தைகள்- காங்கிரஸ் கட்சி- ஆகியவை தமிழக வெற்றி கழகத்திற்கு ஆதரவளிக்கும் என எதிர்பார்க்கப்படுகிறது.

இந்நிலையில் இன்று (05) செவ்வாய்க்கிழமை சென்னையில் உள்ள தமிழக வெற்றி கழகத்தின் தலைமையகத்தில் வெற்றி பெற்ற சட்டமன்ற உறுப்பினர்களின் கூட்டம் நடைபெற்றது. இதில் முதல்வராக விஜயை தெரிவு செய்வதற்கு அக்கட்சியின் சட்டமன்ற உறுப்பினர்கள் ஆதரவு அளித்துள்ளனர். இதற்கான உறுதிமொழி பத்திரத்திலும் வெற்றி பெற்ற 106 உறுப்பினர்களும் கைசாத்திட்டுள்ளனர். விஜய் சென்னை பெரம்பூர் மற்றும் திருச்சி கிழக்கு ஆகிய இரண்டு தொகுதிகளும் வெற்றி பெற்றுள்ளார் என்பது குறிப்பிடத்தக்கது.

தமிழக வெற்றி கழகத்தின் சட்டப்பேரவை கட்சித் தலைவராக விஜய் தெரிவு செய்யப்பட்டுள்ளதைத் தொடர்ந்து அவர் தமிழ்நாட்டின் முதல்வராகிறார்.