தவறவிடாதீர்கள்..!உடனே பதிவு செய்யுங்கள்

தமிழ் திரை உலகின் பன்முக ஆளுமை திறன் மிக்க படைப்பாளியான விஜய் அண்டனி கதையின் நாயகனாக நடித்திருக்கும் 'நூறு சாமி' திரைப்படத்தில் இடம்பெற்ற 'அம்மா அம்மா தான்' எனும் பாடலும் , பாடலுக்கான லிரிக்கல் விடியோவும் வெளியிடப்பட்டிருக்கிறது.

இயக்குநர் சசி இயக்கத்தில் உருவாகி வரும் 'நூறு சாமி' திரைப்படத்தில் விஜய் அண்டனி, சுவாசிகா, அஜய் திஷான், லிஜோ மோல் ஜோஸ், கருணாஸ், சக்தி, காவ்யா அனில், பாலாஜி சக்திவேல் , அருள்தாஸ் , முனீஸ்காந்த், பாடினி குமார், ஜென்சன் திவாகர், பக்ஸ் பகவதி பெருமாள், வினோதினி, கோடாங்கி வடிவேலு, சுப்ரமணிய சிவா உள்ளிட்ட பலர் நடித்திருக்கிறார்கள்.

எஸ் பி தர்ஷன் கிர்லோஸ் ஒளிப்பதிவு செய்திருக்கும் இந்த திரைப்படத்திற்கு பாலாஜி ஸ்ரீராம் இசையமைத்திருக்கிறார். விவசாயியின் வாழ்வியலை உணர்வுபூர்வமாக விவரித்திருக்கும் இந்தத் திரைப்படத்தை விஜய் அண்டனி பிலிம் கொர்ப்பரேசன் நிறுவனம் சார்பில் தயாரிப்பாளர் பாத்திமா அண்டனி தயாரித்திருக்கிறார்.

படத்தின் இறுதி கட்டப் பணிகள் விறுவிறுப்பாக நடைபெற்று வரும் தருணத்தில் இதில் இடம்பெற்ற 'அந்த இந்த சாமிகள் எல்லாம் ஒண்ணா வந்து நின்னாலுமே அம்மா அம்மா தான்.. 'எனத் தொடங்கும் பாடலும்,  பாடலுக்கான லிரிக்கல் விடியோவும் வெளியிடப்பட்டிருக்கிறது.

இந்த பாடலை பாடலாசிரியர் மோகன் ராஜன் எழுத பின்னணி பாடகர் ஸ்ரீகாந்த் ஹரிஹரன் பாடியிருக்கிறார் .அம்மாவை போற்றும் பாடல் என்பதால்.. இதற்கு பெரும் வரவேற்பு கிடைத்து வருகிறது.