தவறவிடாதீர்கள்..!உடனே பதிவு செய்யுங்கள்

(இணையத்தள செய்தி பிரிவு) 

அண்ட்ரோய்ட் 6 பதிப்பிற்கு முந்தைய இயங்குதளங்களில் இயங்கும் கையடக்க தொலைபேசிகளில் வட்ஸ்அப் செயலி இயங்காது என அறிவிக்கப்பட்டுள்ளது. 

செப்டம்பர் மாதம்  8 ஆம் திகதி  2026 முதல் இந்த மாற்றம் நடைமுறைக்கு வரும் என அறிவிக்கப்பட்டுள்ளது. 

மெட்டா நிறுவனத்திற்குச் சொந்தமான வட்ஸ்அப் ஐ தொடர்ந்து பயன்படுத்த, பயனர்கள் அண்ட்ரோய்ட் 6 அல்லது அதற்குப் பிந்தைய பதிப்புகளைக் கொண்டிருக்க வேண்டும்.

புதிய அம்சங்களை அறிமுகப்படுத்தும் போது, அவற்றுக்கு சிறந்த கணினி செயல்திறன் மற்றும் பாதுகாப்புத் தேவைகள் அவசியமாகின்றன. பழைய சாதனங்களால் இவற்றைச் சரியாகக் கையாள முடியாது என்பதால் இந்த முடிவு எடுக்கப்பட்டுள்ளது.

தற்போது Android 5.0 மற்றும் 5.1 பதிப்புகளைப் பயன்படுத்தும் கையடக்க தொலைபேசிகளில் இனி வட்ஸ்அப் செயலி இயங்காது. 

இந்தியா, பிரேசில், பாகிஸ்தான் மற்றும் தென்கிழக்கு ஆசியா, ஆப்பிரிக்கா போன்ற பகுதிகளில் பழைய மொடல்  கையடக்க தொலைபேசிகளை பயன்படுத்துவோர் அதிகம் என்பதால் அங்கு இதன் தாக்கம் அதிகமாக இருக்கும்.

இந்த மாற்றத்தால் அப்பல் கையடக்க தொலைபேசி பயனர்களுக்குப் பாதிப்பு இல்லை. ஐஓஎஸ் 15.1 மற்றும் அதற்கு மேற்பட்ட பதிப்புகளில் வட்ஸ்அப் செயலி வழக்கம் போல் இயங்கும்.

உங்கள் கையடக்க தொலைபேசிகளில் மென்பொருள் புதுப்பிப்பு  இருந்தால், உடனடியாக அண்ட்ரோய்ட் 6 அல்லது அதற்கு மேலான பதிப்பிற்கு மாறவும்.

உங்கள் கையடக்க தொலைபேசிகளை  புதுப்பிக்க முடியாவிட்டால், செப்டம்பர் 8-ஆம் திகதிக்கு முன்னதாக புதிய கையடக்க தொலைபேசிக்கு மாற வேண்டியிருக்கும்.

உங்கள் தரவுகளை இழக்காமல் இருக்க, உடனடியாக உங்கள் தரவுகளை கூகுள் ட்ரைவில் பேக்கப் செய்து கொள்ளுமாறு அறிவுறுத்தப்படுகிறீர்கள்.

பாதிக்கப்பட்ட பயனர்களுக்கு இது குறித்த எச்சரிக்கை அறிவிப்பு தற்போது செயலியைத் திறக்கும்போது காண்பிக்கப்பட்டு வருகின்றது. இது வட்ஸ்அப் மெசஞ்சர் மற்றும் வட்ஸ்அப் பிசினஸ் ஆகிய இரண்டிற்கும் பொருந்தும்.