தவறவிடாதீர்கள்..!உடனே பதிவு செய்யுங்கள்

கடல் கடந்த இந்திய குடியுரிமையை இலகுவாகப் பெற்றுக்கொள்ள நாமே வழிசமைத்தோம் என்று கூறிக்கொள்ளும் மலையக அரசியல் கட்சிகள் அதை பெருந்தோட்டத் தொழிலாளர்கள் எத்தனைப் பேருக்கு பெற்றுக்கொடுக்க நடவடிக்கை எடுக்கப்போகின்றன? பிறப்புச் சான்றிதழ் மற்றும் தேசிய அடையாள அட்டைகள் இல்லாத அவர்களுக்கு முதலில் அதைப் பெற்றுக்கொடுக்க இவர்கள் என்ன நடவடிக்கை எடுத்தார்கள்? அந்த ஆவணங்கள் இருக்கும் தொழிலாளர்கள் எத்தனைப் பேருக்கு கடவுச்சீட்டுகள் பெற்றுக்கொள்ளும் வசதிகள் அல்லது கடல் கடந்த இந்திய குடியுரிமையைப் பெறும் வசதிகள் உள்ளன? பெருந்தோட்டப்பகுதிகளில் வதியும் தோட்டத் தொழிலாளர்கள் ஐந்து தலைமுறைகளை கடந்து வாழ்ந்து வருகின்றனர். இவர்களின் ஐந்தாவது தலைமுறையினருக்கு தமது மூதாதையர் இந்தியாவின் எந்த பிரதேசத்தில் பிறந்து வளர்ந்தார்கள், எப்போது இலங்கைக்கு வருகை தந்தார்கள் என்ற விடயம் தெரியாது. அதை அறிந்து கொள்வதற்கான ஆர்வமும் அவர்களிடத்தே இல்லை.