தவறவிடாதீர்கள்..!உடனே பதிவு செய்யுங்கள்

'நேட்டோ நட்பு நாடுகள் இந்தப் போரில் இணையாததை 'கோழைத்தனம்' என்று விமர்சித்துள்ள ட்ரம்ப், குறிப்பாக ஐக்கிய இராச்சியத்தைக் கடுமையாகச் சாடியுள்ளார். 'உங்களிடம் ஒரு கடற்படை கூட இல்லை, உங்கள் விமானம் தாங்கிக் கப்பல்கள் வேலை செய்யவில்லை' என்று அவர் பிரித்தானியாவை கடுமையாக சாடியுள்ளார். அமெரிக்காவின் பாதுகாப்பு செயலாளர் பீட் ஹெக்செத் மற்றும் வெளியுறவுத்துறைச் செயலாளர் மார்கோ ரூபியோ ஆகியோரும் ட்ரம்ப்பின் கருத்தை எதிரொலித்துள்ளனர். அமெரிக்காவிற்குத் தேவைப்படும்போது உதவாத ஒரு கூட்டணி நமக்குத் தேவையா என்று ரூபியோ கேள்வி எழுப்பியுள்ளார்' 'அமெரிக்க ஜனாதிபதி தன்னிச்சையாக நேட்டோவிலிருந்து வெளியேறுவதைத் தடுக்க, 2024-ஆம் ஆண்டில் அமெரிக்க காங்கிரஸ் 'தேசிய பாதுகாப்பு அங்கீகாரச் சட்டத்தில்' ஒரு விதியைக் கொண்டு வந்தது. இதன்படி, செனட்டின் மூன்றில் இரண்டு பங்கு ஆதரவு அல்லது காங்கிரஸின் சட்டம் இன்றி ஜனாதிபதி ட்ரம்பினால் நேட்டோவை விட்டு வெளியேற முடியாது. இந்த முடிவை மீறி ட்ரம்ப் செயல்பட்டால், அது ஒரு அரசியலமைப்பு நெருக்கடியை உருவாக்கி உச்ச நீதிமன்றம் வரை செல்லும். இருப்பினும், வெளிநாட்டுக் கொள்கை விவகாரங்களில் நீதிமன்றம் பெரும்பாலும் ஜனாதிபதிக்கு சாதகமாகத் தீர்ப்பு வழங்கும்'