தவறவிடாதீர்கள்..!உடனே பதிவு செய்யுங்கள்

(இணையத்தள செய்தி பிரிவு) 

பாதாள உலகக் குழுத் தலைவர் “கஞ்சிபானை இம்ரான்” உடன் தொடர்புடைய முக்கிய சந்தேகநபர் ஒருவர், பயங்கரவாதத் தடுப்பு மற்றும் விசாரணைப் பிரிவினரால் கைது செய்யப்பட்டுள்ளதாக பொலிஸார் தெரிவித்தனர். 

கிடைக்கப்பெற்ற புலனாய்வுத் தகவல்களுக்கு அமைய, கடந்த திங்கட்கிழமை (20) ஜா-எல, கால வீதி பகுதியில் முன்னெடுக்கப்பட்ட சுற்றிவளைப்பின் போதே சந்தேக நபர் கைது செய்யப்பட்டுள்ளார். 

கைது செய்யப்பட்டவர் கொழும்பு 15 பகுதியைச் சேர்ந்த 38 வயதுடையவர் என அடையாளம் காணப்பட்டுள்ளார். 

தற்போது வெளிநாட்டில் தங்கியிருப்பதாகக் கருதப்படும் கஞ்சிபானை இம்ரானின் நெருங்கிய சகா இவரெனத் தெரிவிக்கப்படுகிறது.

இந்த சம்பவம் தொடர்பில்  பயங்கரவாதத் தடுப்பு மற்றும் விசாரணைப் பிரிவினர் மேலதிக விசாரணைகளை முன்னெடுத்து வருவதாக ஏ.எஸ்.பி வூட்லர் தெரிவித்தார்.