தவறவிடாதீர்கள்..!உடனே பதிவு செய்யுங்கள்

பிக் பொஸ் சீசன் 9 நிகழ்ச்சி மூலம் பிரபலமான டிஜிட்டல் திரை நடிகர் விக்கல்ஸ் விக்ரம் கதையின் நாயகனாக அறிமுகமாகும் திரைப்படத்திற்கு 'லைட் வெயிட் பேபி ' என பெயரிடப்பட்டு, அதன் டைட்டில் லுக் போஸ்டர் வெளியிடப்பட்டுள்ளது.

அறிமுக இயக்குநர் கே சி குரு இயக்கத்தில் உருவாகும் 'லைட் வெயிட் பேபி'  திரைப்படத்தில் விக்கல்ஸ் விக்ரம் மற்றும் ஃபிட்னஸ் மொடலிங் மங்கை ஆர்த்தி கிருஷ்ணா ஆகிய இருவரும் முதன்மையான கதாபாத்திரங்களில் நடிக்கிறார்கள். பிரமோத் கோடியன் ஒளிப்பதிவு செய்யும் இந்த திரைப்படத்திற்கு சரவணன் சுப்பிரமணியம் இசையமைக்கிறார். ரொமான்டிக் கொமடி ஜேனரிலான இந்த திரைப்படத்தை ஹிதா ஸ்டுடியோஸ் நிறுவனம் தயாரிக்கிறது.

இப்படத்தின் டைட்டில் வெளியீட்டு விழா சென்னையில் உள்ள தனியார் நட்சத்திர ஹொட்டேலில் நடைபெற்றது. இதில் படத்தின் விக்கல்ஸ் விக்ரம், ஆர்த்தி கிருஷ்ணா, கே சி குரு ஆகியோர் பங்கு பற்றினர்.

'லைட் வெயிட் பேபி' படத்தின் போஸ்டரில் மைக்- ஒரு ஸ்டாண்ட் - உடற்பயிற்சி கூடத்தில் பாவிக்கப்படும் வலு தூக்கும் கல் - ஆகியவை இடம் பிடித்திருப்பதும், இது ஒரு காதல் கதை என்பதும் குறிப்பாக ஒரு ஸ்டாண்ட் அப் கொமடியன் - உடற்கட்டழகி ஆகிய இருவருக்கும் இடையேயான காதல் கதை என தெரிய வருவதால் நகைச்சுவையை ரசிக்கும் ரசிகர்களின் எதிர்பார்ப்பை அதிகரித்திருக்கிறது.