தவறவிடாதீர்கள்..!உடனே பதிவு செய்யுங்கள்

தரங்குறைந்த நிலக்கரி இறக்குமதி செய்யப்பட்டது குறித்து ஜனாதிபதி திஸாநாயக்க பகிரங்கமாக ஒப்புக்கொண்டமை, உண்மைகளை நேரடியாக எதிர்கொள்ளும் அரசாங்கம் என்ற பிம்பத்தை வலுப்படுத்துவதற்கான வாய்ப்பை வழங்கியுள்ளது. பொது நிறுவனங்கள் தொடர்பான பாராளுமன்றக் குழு (COPE) இந்த விவகாரத்தை விரிவாக ஆராய்ந்தபோது, கேள்விப்பத்திர (Tender) நடைமுறையில் ஒழுங்கான உகந்த வழிமுறைகள் பின்பற்றப்பட்டதாக அரசாங்கம் வாதிட்டது. நடைமுறை இணக்கத்தை நிரூபிப்பதில் ஒரு நியாயம் இருக்கலாம். ஆனால் கொள்வனவுக் கொள்கையின் நோக்கம் வெறும் படிநிலைகளை பின்பற்றுவது மட்டுமல்ல. அரசாங்கத்திற்கும் மக்களுக்கும் நன்மை பயக்கும் ஒரு முடிவை எட்டுவதே அதன் ஆழமான நோக்கமாகும். அதன் விளைவு ஒரு பெரிய நிதிச் சுமையாகவும் எரிசக்தி பாதுகாப்பிற்கு பாதிப்பாகவும் மேலதிக சுற்றுச்சூழல் பாதிப்பாகவும் இருந்தால், நடைமுறைகளை மட்டும் காட்டி தப்பித்துவிட முடியாது.