தவறவிடாதீர்கள்..!உடனே பதிவு செய்யுங்கள்

தமிழக வெற்றி கழகத்தின் வேட்பாளர் ஒருவர் தலைவரான விஜயின் தோற்றத்தை ஹாலோகிராம் தொழில்நுட்பத்தில் பாவித்து பிரச்சாரத்தில் ஈடுபட்டு வருவது அனைவரது கவனத்தையும் கவர்ந்திருக்கிறது.

தமிழக வெற்றி கழகத்தின் சார்பில் போட்டியிடும் வேட்பாளர்கள் கட்சியின் தலைவரான விஜய் தமிழகம் முழுவதும் மக்களை நேரடியாக சந்தித்து பிரச்சாரத்தில் ஈடுபடுவதில் பல்வேறு நிபந்தனைகளும், கட்டுப்பாடுகளும் இருப்பதால் வேட்பாளர்கள் கள நிலவரத்திற்கு ஏற்ப நூதனமான முறையில் பிரச்சாரத்தில் ஈடுபடுகிறார்கள். 

அந்த வகையில் கும்பகோணம் தொகுதியில் போட்டியிடும் தமிழக வெற்றிக்கழக கட்சியின் வேட்பாளரான வினோத் ரவி தன்னுடைய பிரச்சார வாகனத்தில் ஹாலோகிராம் எனப்படும் தொழில் நுட்பத்தின் மூலம் விஜயின் தோற்றத்தை உருவாக்கி வாக்கு சேகரித்து வருகிறார்.

இதற்கு தமிழகம் முழுவதிலும் இருந்து பெரும் வரவேற்பு கிடைத்திருக்கிறது. தமிழக வெற்றி கழகத்தின் இத்தகைய நூதன பிரச்சாரம் வாக்காளர்களின் கவனத்தையும் கவர்ந்திருக்கிறது.