தவறவிடாதீர்கள்..!உடனே பதிவு செய்யுங்கள்

மேற்கு ஆப்ரிக்க பகுதியைச் சேர்ந்த ‘ஃபட்டூ’ என்ற பெயர் கொண்ட பெண் கொரில்லா 1959ம் ஆண்டு ஜெர்மனியின் தலைநகர் பெர்லின் மிருகக்காட்சி சாலைக்கு கொண்டு வரப்பட்டது.

அப்போது அதற்கு, 2 வயது இருந்ததாகக் கூறப்படுகிறது. இந்த கொரில்லாவின் உண்மையான பிறந்த தேதி தெரியாத நிலையில், ஏப்ரல் 13 அதன் பிறந்த நாளாக கருதப்படுகிறது.

அந்த வகையில் இன்று, ‘ஃபட்டூ’ கொரில்லா தனது 69வது பிறந்தநாளை கொண்டாடியது. இதையொட்டி அதற்கு, விரும்பிய உணவு வழங்கி, பார்வையாளர்கள் வாழ்த்து தெரிவித்தனர்.

பொதுவாக, கொரில்லா குரங்குகள் காடுகளில் 35 முதல் 40 ஆண்டுகள் உயிர் வாழும்; வளரும் சூழ்நிலையைப் பொறுத்து அது மாறுபடும்.

பெர்லின் மிருகக்காட்சி சாலையில் உள்ள விலங்குகளில், 1955ம் ஆண்டு முதல் வாழ்ந்த ‘இங்கோ’ என்ற 75 வயதான ஃபிளமிங்கோ பறவை இறந்த பின்னர், அதற்கு அடுத்த மூத்த விலங்காக ‘ஃபட்டூ’ கொரில்லா இருந்து வருகிறது.