தவறவிடாதீர்கள்..!உடனே பதிவு செய்யுங்கள்

ஈரானுக்கு எதிராக அமெரிக்கா தொடங்கிய போர் ஆரம்பமாகி தற்போது சரியாக 42 நாட்கள் கடந்துவிட்டன. ஆரம்பத்தில் அமெரிக்கா, இஸ்ரேல் மற்றும் ஈரான் ஆகிய நாடுகள் மட்டுமே இதில் சம்பந்தப்பட்டிருந்த போதிலும், தற்போது ஒட்டுமொத்த மத்திய கிழக்கு பிராந்தியமே இதில் சிக்கியுள்ளதுடன், அதன் விளைவுகளை முழு உலகமுமே அனுபவித்து வருவதைக் காண முடிகிறது. போர் தொடங்கிய முதல் மணிநேரத்திலேயே, அதன் உடனடிப் பாதிப்புகள் குறித்து பாராளுமன்றத்தில் ஒரு விசேட உரையை நிகழ்த்திய எதிர்க்கட்சித் தலைவர் சஜித் பிரேமதாச, இதன் காரணமாக விரைவில் எரிபொருள் நெருக்கடி ஏற்படக்கூடும் என்றும், ஏதோ ஒரு கட்டத்தில் ஹோர்முஸ் நீரிணை மூடப்படும் அபாயம் ஏற்படலாம் என்றும் எச்சரித்தார். எனவே, உடனடியாக ரஷ்யா மற்றும் இந்தியா போன்ற நாடுகளுடன் பேச்சுவார்த்தை நடத்தி, தடையின்றி எரிபொருளைப் பெற்றுக்கொள்வதற்கான வாய்ப்பை ஏற்படுத்திக் கொள்ள வேண்டும் என்றும் அவர் கேட்டுக்கொண்டார்.