தவறவிடாதீர்கள்..!உடனே பதிவு செய்யுங்கள்

லெபனான் மீது இஸ்ரேல் இன்று (11) நடத்திய வான்வழித் தாக்குதலில் 3 பேர் கொல்லப்பட்டதாக லெபனான் அரச ஊடகங்கள் தெரிவித்துள்ளன.

பல குடியிருப்பு கட்டடங்கள் அழிக்கப்பட்டுள்ளதோடு ஜெப்சிட் நகரமும் வான்வழித் தாக்குதலுக்கு உள்ளாகியதாக தெரிவிக்கப்பட்டுள்ளது. 

நவம்பர் 2024இல் போர் நிறுத்தம் நடைமுறைக்கு வந்தபோதிலும், மார்ச் 2 ஹிஸ்புல்லா நடத்திய எல்லை தாண்டிய தாக்குதலுக்குப் பிறகு, இஸ்ரேல் தெற்கு லெபனானில் தாக்குதலை விரிவுபடுத்தியுள்ளதாக தெரிவித்துள்ளது. 

இந்தப் பதற்றமான சூழலுக்கு மத்தியில், இரு நாடுகளுக்கும் இடையிலான நேரடிப் பேச்சுவார்த்தைகளை அடுத்த வாரம் அமெரிக்கா முன்னெடுக்கவுள்ளது.

இஸ்ரேல் மற்றும் லெபனான் பிரதிநிதிகள் பங்கேற்கும் நேரடிப் பேச்சுவார்த்தை அடுத்த வாரம் வொஷிங்டனில் நடைபெறும் என அறிவிக்கப்பட்டுள்ளது.

கடந்த செவ்வாய்க்கிழமை அமெரிக்க ஜனாதிபதி டொனால்ட் ட்ரம்ப், பாகிஸ்தானின் மத்தியஸ்தத்துடன் ஈரான் மீதான போரை இரண்டு வார காலத்துக்கு நிறுத்திவைப்பதாக அறிவித்திருந்தார்.

அதையே, லெபனான் விவகாரத்திலும் பின்பற்ற அமெரிக்கா முயன்று வருவதாக சர்வதேச ஊடகங்கள் தெரிவிக்கின்றன.

இஸ்ரேலின் தாக்குதலில் இதுவரை ஆயிரக்கணக்கானோர் உயிரிழந்துள்ளதை லெபனான் அரச ஊடகங்கள் சுட்டிக்காட்டியுள்ளன.