தவறவிடாதீர்கள்..!உடனே பதிவு செய்யுங்கள்

டித்வா சூறாவளியினால் பாதிக்கப்பட்ட மலையக மக்களுக்கு நிலம், நிரந்தர வீடுகள் மற்றும் தற்காலிகத் தங்குமிட வசதிகளை ஏற்படுத்திக் கொடுப்பது குறித்த முதற்கட்டக் கலந்துரையாடல் திங்கட்கிழமை (9) ஹட்டனில் உள்ள சீடா  பயிற்சி மையத்தில் நடைபெற்றது.

பாதிக்கப்பட்ட மக்களுக்கான மறுசீரமைப்புப் பணிகளில் சிவில் சமூக அமைப்புகளின் பங்களிப்பை உறுதிப்படுத்துவதே இக்கூட்டத்தின் முக்கிய நோக்கமாகும்.

'இலங்கையை மீண்டும் கட்டியெழுப்பும்' திட்டத்தின் கீழ், மலையகப் பகுதிகளில் மீள்குடியேற்றத்திற்குப் பொருத்தமான நிலங்களை அடையாளம் காண அரசாங்கத்தினால் பிரதேச மட்ட ஆலோசனைக் குழுக்கள் நிறுவப்படவுள்ளன.

இந்தக் குழுக்களுக்கான பிரதிநிதிகளை முன்மொழிவதுடன், நிலம் மற்றும் வீட்டுவசதி தொடர்பான அண்மைக்காலத் தரவுகளைச் சேகரித்து அரசாங்கத்திற்குப் பரிந்துரைக்கவும் இக்கலந்துரையாடலில் தீர்மானிக்கப்பட்டது.