தவறவிடாதீர்கள்..!உடனே பதிவு செய்யுங்கள்

நீர்கொழும்பு மற்றும் கட்டான ஆகிய பகுதிகளில் நாளை மறுதினம் (12) 16 மணிநேர நீர்வெட்டு அமுல்படுத்தப்படவுள்ளதாக தேசிய நீர் வழங்கல் மற்றும் வடிகாலமைப்புச் சபை தெரிவித்துள்ளது.

பம்புகுலிய நீர் சுத்திகரிப்பு நிலையத்தில் முன்னெடுக்கப்படவுள்ள அவசர பராமரிப்பு பணிகள் காரணமாக இந்த நடவடிக்கை எடுக்கப்பட்டுள்ளது.

அதன்படி, எதிர்வரும் 12ஆம் திகதி வியாழக்கிழமை முற்பகல் 8.00 மணி முதல் நள்ளிரவு 12.00 மணி வரை நீர் விநியோகம் நிறுத்தப்படவுள்ளது.

நீர்கொழும்பு மாநகர எல்லை, கட்டான பிரதேச சபை மற்றும் அதனைச் சூழவுள்ள எத்தியாவல, ஜன்குரவெல உள்ளிட்ட 10 கிராம உத்தியோகத்தர் பிரிவுகளில் வசிக்கும் மக்கள் இதனால் பாதிக்கப்படுவர்.

பொதுமக்களுக்கு ஏற்படும் அசௌகரியங்களுக்கு வருத்தம் தெரிவித்துள்ள சபை, முன்னெச்சரிக்கையாக நீரைச் சேமித்து வைத்துக்கொள்ளுமாறு அறிவுறுத்தியுள்ளது.