தவறவிடாதீர்கள்..!உடனே பதிவு செய்யுங்கள்

சர்வதேச மகளிர் தினத்தை முன்னிட்டு அர்ப்பணிப்பு மிக்க நகரசபை பெண் ஊழியர்களின் சேவையைப் போற்றும் விதமாக சர்வதேச லயன்ஸ் கழகத்தின் 306 D3 மாவட்டப் பிரிவு மகளிர் குழுவினரது சேவைத் திட்ட நிகழ்வொன்று கொழும்பு, மட்டக்குளி பகுதியில் இன்று திங்கட்கிழமை (9) நடைபெற்றது.

இன்று காலை 10 மணியளவில் நடைபெற்ற இந்நிகழ்வின்போது, சமூகத்தின் தூய்மையைப் பாதுகாக்கும் விதமாக துப்புரவுப் பணிகளில் ஈடுபட்டு வரும் மட்டக்குளி பகுதியைச் சேர்ந்த நகரசபை பெண் ஊழியர்கள் 52 பேரின் கடின உழைப்பும் சேவையும் பாராட்டப்பட்டு, அவர்கள் ஒவ்வொருவருக்கும் 10 கிலோ அரிசி, சவர்க்காரம், பன் முதலான சிற்றுண்டிகள் போன்றவை பகிர்ந்தளிக்கப்பட்டன.