தவறவிடாதீர்கள்..!உடனே பதிவு செய்யுங்கள்

சர்வதேச மகளிர் தினத்தை முன்னிட்டு, புதிய அலை கலை வட்ட மகளிர் அணியினரால் ஏற்பாடு செய்யப்பட்ட 'வீரவனிதையர் விருது விழா' கடந்த சனிக்கிழமை (07) கொழும்பில் மிகப்பிரம்மாண்டமாக நடைபெற்றது.

ல்வேறு துறைகளில் சாதனை படைத்த 20 பெண்களுக்கு இதன்போது 'வீரவனிதையர் விருது' வழங்கி கௌரவிக்கப்பட்டது. பெண்களின் ஆளுமை மற்றும் சமூகப் பங்களிப்பை அங்கீகரிக்கும் வகையில் இந்த விருது விழா அமைந்திருந்தது.

மகளிர் மற்றும் சிறுவர் விவகார அமைச்சர் கௌரவ திருமதி சரோஜா சாவித்திரி போல்ராஜ் அவர்கள் பிரதம அதிதியாகக் கலந்து கொண்டு விருதுகளை வழங்கினார். பிரபல தொழிலதிபர் பி.எஸ். செல்வரட்ணம் தலைமையில் நடைபெற்ற இந்நிழ்வில், தமிழகத்திலிருந்து வருகை தந்த பிரபல கவிஞர் தங்கம் மூர்த்தி சிறப்பு அதிதியாகப் பங்கேற்றார்.

மேலும், தினகரன் பத்திரிகையின் ஆசிரியர் செந்தில்வேலவர், காயத்ரி விக்கிரமசிங்க, எம். யோகராஜா மற்றும் ஆர். வைத்தியமாநிதி டாக்டர் கனகலட்சுமி ஆகியோரும் சிறப்பு அதிதிகளாகக் கலந்து சிறப்பித்தனர்.

விருது வழங்கலைத் தொடர்ந்து, இளங்கலைஞர்களின் கண்கவர் கலை நிகழ்ச்சிகளும் அரங்கேறின. இந்நிகழ்வில் பெருந்திரளானோர் கலந்துகொண்டதுடன், சர்வதேச மகளிர் தினத்தின் முக்கியத்துவத்தை உணர்த்தும் வகையில் விழா அமைந்திருந்தது.