தவறவிடாதீர்கள்..!உடனே பதிவு செய்யுங்கள்

இலங்கை கிரிக்கெட் நிறு­வனம் நடத்தும் ஐந்து அணிகள் பங்­கு­பற்றும் சுப்பர் இரு­ப­துக்கு 20 மாகாண கிரிக்கெட் போட்­டிகள் இன்று ஆர்.பிரேம­தாச கிரிக்கெட் அரங்கில் ஆரம்­ப­மா­கின்­றன. அதன்­படி கொழும்பு கொமாண் டர்ஸ், காலி கார்­டியன்ஸ், குரு­ணா­கலை வோரியர்ஸ், ஹம்­பாந்­தோட்டை ட்ரூபர்ஸ் மற்றும் கண்டி குரூ­ஸடர்ஸ் ஆகிய அணி­களே பங்­கு­பற்­று­கின்­றன.

இந்தத் தொட­ருக்­கான ஊட­க­வி­ய­லாளர் சந்­திப்­பொன்று நேற்று இலங்கைக் கிரிக்­கெட்டின் கேட்போர் கூடத்தில் நடை­பெற்­றது.

இதில் பேசிய இலங்கைக் கிரிக்கெட் நிறு­வ­னத்தின் தலைவர் திலங்க சும­தி­பால கருத்துத் தெரி­விக்­கையில், இந்தத் தொடரின் மூலம் ஒரு திற­மை­யான வீர­ரேனும் அடை­யாளம் காணக் கிடைத் தால் அது தான் எமக்­கான வெற்றி என்று தெரி­வித்தார். அதே­வேளை எதிர்­வரும் மாதங்­களில் நடை­பெ­ற­வுள்ள ஆசியக் கிண்ணம் மற்றும் இரு­ப­துக்கு 20 உலகக் கிண்­ணத்­தையும் கருத்தில் கொண்டு, பயிற்­சி­யாட்­டத்­திற்­கா­கவும், புதிய இளம் வீரர்­களை அடை­யாளம் கண்­டு­கொள்­ளவும் இந்தத் தொடர் நடத்­தப்­ப­டு­வ­தா­கவும் அவர் தெரி­வித்தார்.

இதில் கொழும்பு அணிக்கு மிலிந்த சிறி­வர்­தன தலை­வ­ராக செயற்­ப­டு­கிறார். அதேபோல் தினேஷ் சந்­திமால் காலி அணிக்கும், மஹேல உட­வத்த குரு­ணா­கலை அணிக்கும், தில­க­ரத்ன தில்ஷான் ஹம்­பாந்­தோட்டை அணிக்கும், லஹிரு திரி­மான்ன கண்டி அணிக்கும் தலை­வர்களாக செயற்­ப­டு­கின்­றனர்.

இன்று ஆரம்­ப­மா­க­வி­ருக்கும் இத் தொடரின் முதல் போட்­டியில் மிலிந்த சிறி­வர்­தன தலை­மை­யி­லான கொழும்பு அணியும் தில்ஷான் தலைமையிலான ஹம்பாந்தோட்டை அணி யும் மோதுகின்றன.இத் தொடரின் இறுதிப் போட்டி அடுத்த மாதம் 5ஆம் திகதி நடைபெறுகிறது.