தவறவிடாதீர்கள்..!உடனே பதிவு செய்யுங்கள்

தேசிய மக்கள் சக்தியின் மலையகப் பிரதேச பாராளுமன்ற உறுப்பினர்கள் இலங்கை தொழிலாளர் காங்கிரஸின் ஸ்தாபகர் அமரர் செளமியமூர்த்தி தொண்டமானின் பெயர் கொண்ட நிறுவனங்களுக்கு மலையக தியாகிகளின் பெயர்களை சூட்ட வேண்டும் என பாராளுமன்றத்தில் பேசி வருகின்றனர்.  இப்போது மலையக  சமூகத்துக்கு  பிரதான பிரச்சினையாக உள்ள காணி உரிமை, குடியிருப்புப் பிரச்சினைகளுக்கு மத்தியில், இவ்வாறான பெயர்களை மாற்றுவது குறித்து பாராளுமன்றத்தில் பேசுவது தான் முக்கியமாக உள்ளதா என பலரும் விமர்சனங்களை முன்வைத்துள்ளனர். மேலும் மலையக சமூகத்துக்கு கடந்த காலங்களில் பல உரிமைகளைப் பெற்றுக்கொடுத்த அமரர் செளமியமூர்த்தி தொண்டமான் போன்ற தொழிற்சங்க தலைவர்களை  தேசிய மக்கள் சக்தியின் மலையக பிராந்திய பாராளுமன்ற உறுப்பினர்கள் விமர்சித்து வருகின்றமையானது அவர்களுக்கு மலையக வரலாற்று பற்றிய புரிதல் இல்லை என்பதை வெளிப்படுத்துகின்றது என்றும் அரசியல் பிரமுகர்கள் சுட்டிக்காட்டியுள்ளனர்.