தவறவிடாதீர்கள்..!உடனே பதிவு செய்யுங்கள்

நாடளாவிய ரீதியில் செவ்வாய்க்கிழமை (17) பொலிஸாரால் மேற்கொள்ளப்பட்ட  விசேட சுற்றிவளைப்பு நடவடிக்கையில் 716 பேர் சந்தேகத்தின் பேரில் கைது செய்யப்பட்டுள்ளனர். 

பொலிஸ் மா அதிபரின் அறிவுறுத்தலின் பேரில் நாடு முழுவதும் முன்னெடுக்கப்பட்ட விசேட குற்றத் தடுப்பு மற்றும் போதைப்பொருள் ஒழிப்பு நடவடிக்கைகளின் போதே சந்தேக நபர்கள் கைது செய்யப்பட்டுள்ளனர்.  

இவ்வாறு மேற்கொள்ளப்பட்ட விசேட சுற்றிவளைப்பில் 29,595 பேர்  சோதனைக்கு உட்படுத்தப்பட்டதாக பொலிஸார் தெரிவித்தனர். 

இதில், சந்தேகத்தின் பேரில் 716 பேர் கைது செய்யப்பட்டவர்கள், 468 பேர் பிடியாணை பிறப்பிக்கப்பட்டிருந்த நிலையில் கைது செய்யப்பட்டவர்கள் ஆவர். 

மேலும்,  மதுபோதையில் வாகனம் செலுத்திய 335 சாரதிகளும்,   கவனக்குறைவாக வாகனம் செலுத்திய 48 சாரதிகளும்,  ஏனைய போக்குவரத்து விதிமீறல்கள் தொடர்பில்  4,125 சாரதிகளும் கைது செய்யப்பட்டுள்ளனர்.