தவறவிடாதீர்கள்..!உடனே பதிவு செய்யுங்கள்

தலங்கம - அக்குரேகொட பகுதியில் வெள்ளிக்கிழமை (13) மாலை இடம்பெற்ற துப்பாக்கிச் சூட்டுச் சம்பவம் தொடர்பான விசாரணைக்காக 10 பேர் கொண்ட விசேட பொலிஸ் குழு ஒன்று நியமிக்கப்பட்டுள்ளதாக பொலிஸார் தெரிவித்தனர். 

அக்குரேகொட பகுதியில் உள்ள பல்பொருள் அங்காடி ஒன்றின் வாகன தரிப்பிடத்திற்கு அருகில் மாலை 05.00 மணியளவில் காரில் வந்த இனந்தெரியாத நபர்கள் சிலர், ஜீப் வாகனத்தின் இருந்த  சட்டத்தரணியையும் அவரது மனைவியையும் சுட்டுக் கொலைசெய்துவிட்டு தப்பிச் சென்றுள்ளனர்.  

பிட்டிகல பிரதேசத்தைச் சேர்ந்தவர்களே இவ்வாறு சுட்டுக் கொலைசெய்யப்பட்டுள்ளனர்.

இந்த துப்பாக்கிச் சூட்டுச் சம்பவம் தொடர்பில் விசாரணைகளை மேற்கொள்ளுவதற்காக  குற்றப் புலனாய்வு திணைக்கள அதிகாரிகள் , பொலிஸ் அதிகாரிகள் மற்றும் பொலிஸ் விசேட அதிரடிப்படையினர் உள்ளிட்ட 10 பேர் கொண்ட விசேட பொலிஸ் குழு ஒன்று நியமிக்கப்பட்டுள்ளது.