தவறவிடாதீர்கள்..!உடனே பதிவு செய்யுங்கள்

கொழும்பில் எதிர்வரும் 15 ஆம் திகதி நடைபெறவுள்ள இந்தியா – பாகிஸ்தான் இடையிலான ஐசிசி ரி20 உலகக் கிண்ண கிரிக்கெட் தொடரை முன்னிட்டு விசேட பாதுகாப்பு திட்டம் முன்னெடுக்கப்படவுள்ளதாக பொலிஸ் ஊடகப் பேச்சாளர் எப்.யு. வுட்லர் தெரிவித்துள்ளார்.

நேற்று வியாழக்கிழமை (12) நடைபெற்ற ஊடக சந்திப்பின் போதே பொலிஸ் ஊடகப் பேச்சாளர் இதனை தெரிவித்துள்ளார்.

பொலிஸ் ஊடகப் பேச்சாளர் மேலும் தெரிவிக்கையில், 

இந்தியா – பாகிஸ்தான் இடையிலான ஐசிசி ரி20 உலகக் கிண்ண கிரிக்கெட் தொடர் கொழும்பு ஆர். பிரேமதாச சர்வதேச கிரிக்கெட் மைதானத்தில்  எதிர்வரும் 15 ஆம் திகதி நடைபெறவுள்ளது.

இந்த கிரிக்கெட் தொடர் மாலை 07.00 மணிக்கு ஆரம்பிக்கப்படவுள்ளது.

ஆனால் கொழும்பு ஆர். பிரேமதாச சர்வதேச கிரிக்கெட் மைதானத்தின் நுழைவாயில் பிற்பகல் 03.00 மணி முதல் திறந்து வைக்கப்படும்.

எனவே கிரிக்கெட் தொடர் ஆரம்பிப்பதற்கு சில மணி நேரத்திற்கு முன்னரே மைதானத்திற்கு வருகை தருமாறு பொலிஸ் ஊடகப் பேச்சாளர் எப்.யு. வுட்லர் தெரிவித்துள்ளார்.