(நெவில் அன்தனி)
இந்தியாவிலும் இலங்கையிலும் நடைபெற்றுவரும் பத்தாவது ஐசிசி ஆடவர் ரி20 உலகக் கிண்ண அத்தியாயத்தின் எஞ்சிய போட்டிகளில் உபாதைக்குள்ளான இலங்கையின் நட்சத்திர சுழல்பந்துவீச்சாளர் வனிந்து ஹசரங்க விளையாட மாட்டார் என அறிவிக்கப்பட்டுள்ளது.

வனிந்து ஹசரங்கவுக்குப் பதிலாக துஷான் ஹேமன்தவை இணைத்துக்கொள்ள ஐசிசி தொழில்நுட்பக் குழு அனுமதி வழங்கியுள்ளது.
அயர்லாந்துக்கு எதிராக ஞாயிற்றுக்கிழமை ஆரம்ப ரி20 உலகக் கிண்ணப் போட்டியின்போது உபாதைக்கு மத்தியில் துல்லியமாக பந்துவீசி 3 விக்கெட்களைக் கைப்பற்றிய வனிந்து ஹசரங்க அணியிலிருந்து விலகியுள்ளது இலங்கை அணிக்கு பெரும் பின்னடைவை ஏற்படுத்தும் என்பதில் சந்தேகம் இல்லை.
அத்துடன் அவர் அணியிலிருந்து நீங்கியது ரசிகர்களுக்கு பெரும் ஏமாற்றத்தைக் கொடுத்துள்ளது.
அப் போட்டியில் இடது தொடை தசைப் பகுதியில் ஏற்பட்ட வலியுடன் இரண்டாவது ஓவரை வீசிய வனிந்து ஹசரங்க அதன் பின்னர் அரங்கை விட்டு வெளியேறினார்.
8ஆவது ஓவருடன் வெளியேறிய அவர் 13ஆவது ஓவரில் களம் நுழைந்து 15ஆவது ஓவரில் உபாதையைப் பொருட்படுத்தமால் அணியின் வெற்றிக்காக மீண்டும் பந்துவீசி தனது 4 ஓவர்களைப் பூர்த்தி செய்தார்.
அப் போட்டியில் அவர் 25 ஓட்டங்களுக்கு 3 விக்கெட்களை வீழ்த்தினார்.
அவருக்கு நடத்தப்பட்ட ஸ்கான் பரிசோதனையின்போது அவரது இடது தொடை தசைப் பகுதியில் காயம் ஏற்பட்டுள்ளது உறுதி செய்யப்பட்டது. வைத்திய நிபுணர்களின் ஆலோசனைக்கு அமைய அவர் உலகக் கிண்ணத்தின் எஞ்சிய போட்டிகளில் விளையாட முடியாது என்பது உறுதிப்படுத்தப்பட்டுள்ளது.
இலங்கை தனது அடுத்த இரண்டு போட்டிகளை கண்டி பல்லேகலை விளையாட்டரங்கில் விளையாடவுள்ளது.
ஓமானுக்கு எதிரான போட்டி பெப்ரவரி 12ஆம் திகதியும் மிக முக்கிய அவுஸ்திரேலியாவுக்கு எதிரான போட்டி பெப்பரவரி 16ஆம் திகதியும் நடைபெறவுள்ளன.
அதனைத் தொடர்ந்து இலங்கையின் ஸிம்பாப்வேக்கு எதிரான கடைசி லீக் போட்டி கொழும்பு ஆர். பிரேமதாச அரங்கில் பெப்ரவரி 19ஆம் திகதி நடைபெறவுள்ளது.













கருத்து
-
-
-
-
-
மேலும் வாசிக்கதேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM