தவறவிடாதீர்கள்..!உடனே பதிவு செய்யுங்கள்

தமிழ் திரையுலகின் முன்னணி இசையமைப்பாளரும், நட்சத்திர நடிகருமான ஜீ. வி பிரகாஷ் குமார் நடிப்பில் தயாராகி இருக்கும் ' லக்கி தி சுப்பர் ஸ்டார் எனும் திரைப்படம் ஜியோ ஹாட்ஸ்டார் எனும் டிஜிட்டல் தளத்தில் நேரடியாக வெளியாகிறது என அதிகாரப்பூர்வமாக அறிவிக்கப்பட்டிருக்கிறது. 

நடிகரும், இயக்குநருமான உதய் மகேஷ் இயக்கத்தில் உருவாகியுள்ள 'லக்கி - தி சுப்பர் ஸ்டார்' எனும் திரைப்படத்தில் ஜீ. வி. பிரகாஷ் குமார் ,அனஸ்வரா ராஜன், சுப்பு பஞ்சு, தேவதர்ஷினி, மதுசூதன் ராவ் உள்ளிட்ட பலர் நடித்திருக்கிறார்கள். ஹேஷாம் அப்துல் வஹாப் இசையமைத்திருக்கும் இந்த திரைப்படத்தை ஜியோ ஹாட் ஸ்டார் டிஜிட்டல் தளத்திற்காக கவிதாலயா புரொடக்ஷன்ஸ் நிறுவனம் தயாரித்திருக்கிறது. 

அனைத்து பணிகளும் நிறைவடைந்துள்ள இப்படத்தை பட மாளிகையில் வெளியிடாமல் நேரடியாக ஜியோ ஹாட்ஸ்டார் எனும் டிஜிட்டல் தளத்தில் எதிர்வரும் இருபதாம் திகதியன்று வெளியிடப்படுகிறது. 

செல்லப்பிராணியான நாய்க்கும், ஒரு பெண் பிள்ளைக்கும் இடையேயான ஆழமான பிரிக்க இயலாத மையப்படுத்தி தயாராகி இருக்கும் இந்த ஃபீல் குட் ஃபேமிலி என்டர்டெய்னர் திரைப்படத்தை காண டிஜிட்டல் தள ரசிகர்கள் ஆவலுடன் காத்திருக்கிறார்கள்.