தவறவிடாதீர்கள்..!உடனே பதிவு செய்யுங்கள்

மொரட்டுவை - அங்குலானா பொலிஸ் பிரிவிற்குட்பட்ட வீடமைப்பு தொகுதி ஒன்றில் இடம்பெற்ற தாக்குதலில் 24 வயதுடைய பெண் ஒருவர் உயிரிழந்துள்ளதாக பொலிஸார் தெரிவித்துள்ளனர்.

இந்த தாக்குதல் சம்பவம் செவ்வாய்க்கிழமை  (27) இடம்பெற்றுள்ளது. 

இந்த சம்பவம் தொடர்பில் பொலிஸாரின்  விசாரணைகளின்படி, அந்தப் பெண்ணுக்கும் ஆண் ஒருவருக்கும் ஏற்பட்ட தகராறைத் தொடர்ந்து இந்த தாக்குதல் இடம்பெற்றுள்ளதாக பொலிஸார் தெரிவித்துள்ளனர்.

மேலும், இந்த பெண் குறித்த ஆணுடன்  திருமணத்துக்கு பின் தவறான உறவு கொண்டவராக இருந்திருக்கலாம் என சந்தேகிக்கப்படுவதாகவும் பொலிஸார் தெரிவித்துள்ளனர். 

வாதுவ – குடவஸ்கடுவ பகுதியைச் சேர்ந்த குறித்த பெண், தாக்குதலில் ஏற்பட்ட காயங்களால் உயிரிழந்ததாக தெரிவிக்கப்பட்டுள்ளது.

இந்நிலையில், தப்பியோடியுள்ள சந்தேக நபரை கைது செய்யும் நடவடிக்கைகளும் முன்னெடுக்கப்பட்டு வருகின்றன.

இந்த சம்பவம் தொடர்பில் அங்குலானா பொலிஸார் மேலதிக விசாரணைகளை மேற்கொண்டு வருகின்றனர்.