தவறவிடாதீர்கள்..!உடனே பதிவு செய்யுங்கள்

கொழும்பு நாராஹென்பிட்டி பிரதேசத்தில் 2025.05.17 அன்று தேசிய லொத்தர் சபையின் முன்னாள் பணிப்பாளர் துசித ஹல்லொலுவ பயணித்த வாகனத்தின் மீது துப்பாக்கிச் சூடு நடத்தப்பட்ட சம்பவத்துடன் தொடர்புடைய மற்றுமொரு சந்தேக நபர் கிராண்ட்பாஸ் பொலிஸாரால் நேற்று திங்கட்கிழமை (19) இரவு கைதுசெய்யப்பட்டுள்ளார்.

கிராண்ட்பாஸ் பொலிஸாருக்கு கிடைத்த தகவலின் பேரில் தொட்டலங்கை பிரதேசத்தில் மேற்கொள்ளப்பட்ட சுற்றிவளைப்பில் சந்தேக நபர் கைதுசெய்யப்பட்டுள்ளார்.

கைதுசெய்யப்பட்டவர் உஸ்வெட்டகெய்யாவ பிரதேசத்தில் வசிக்கும் 30 வயதுடையவர் ஆவார்.

சந்தேக நபரிடமிருந்து 12 கிராம் 450 மில்லிகிராம் ஐஸ் போதைப்பொருள் கைப்பற்றப்பட்டுள்ளது.

இது தொடர்பான மேலதிக விசாரணைகளை கிராண்ட்பாஸ் பொலிஸார் மேற்கொண்டு வருகின்றனர்.