தவறவிடாதீர்கள்..!உடனே பதிவு செய்யுங்கள்

பான் இந்திய நட்சத்திர நடிகரான பிரபாஸ் கதையின் நாயகனாக நடித்திருக்கும் 'ஸ்பிரிட்' படத்தின் வெளியீட்டு திகதியை படக் குழுவினர் அதிகாரப்பூர்வமாக அறிவித்துள்ளனர்.

இயக்குநர் சந்தீப் ரெட்டி வங்கா இயக்கத்தில் உருவாகி வரும் 'ஸ்பிரிட்' எனும் திரைப்படத்தில் பிரபாஸ், திரிப்தி டிம்ரி, பிரகாஷ் ராஜ்,விவேக் ஓபராய் உள்ளிட்ட பலர் நடித்து வருகிறார்கள்.

ராஜ் தோட்டா ஒளிப்பதிவு செய்து வரும் இந்த திரைப்படத்திற்கு ஹர்ஷவர்தன் ராமேஸ்வர் இசையமைக்கிறார். எக்சன் என்டர்டெய்னராக தயாராகி வரும் இந்த திரைப்படத்தை டி சீரிஸ் மற்றும் பத்ரகாளி பிக்சர்ஸ் ஆகிய நிறுவனங்கள் இணைந்து தயாரிக்கிறது.

இந்தப் படத்தின் படப்பிடிப்பு விறுவிறுப்பாக நடைபெற்று வரும் தருணத்தில் பிரபாஸின் பிறந்த நாளை முன்னிட்டு இப்படத்தின் ஃபர்ஸ்ட் லுக் வெளியிடப்பட்டது. மில்லியன் கணக்கிலான பார்வையாளர்களால் பார்வையிடப்பட்டு படத்தைப் பற்றிய எதிர்பார்ப்பு எகிறி வரும் நிலையில் இந்த திரைப்படம் 2027 ஆம் ஆண்டு மார்ச் மாதம் ஐந்தாம் திகதியன்று வெளியாகும் என அதிகாரப்பூர்வமாக அறிவித்துள்ளனர். இதனால் பிரபாஸின் ரசிகர்கள் உற்சாகமடைந்திருக்கிறார்கள்.