தவறவிடாதீர்கள்..!உடனே பதிவு செய்யுங்கள்

தமிழ் மற்றும் தெலுங்கு திரையுலகின் முன்னணி நட்சத்திர இசையமைப்பாளரான தேவி ஸ்ரீ பிரசாத் ' எல்லம்மா ' எனும் படத்தின் மூலம் அதிரடி எக்சன் நாயகனாக திரையுலகில் அறிமுகமாகிறார். இதற்கான அதிகாரப்பூர்வ காணொளி வெளியிடப்பட்டுள்ளது .

இயக்குநர் வேணு இயக்கத்தில் உருவாகும் ' எல்லம்மா' எனும் திரைப்படத்தில் தேவி ஸ்ரீ பிரசாத் கதையின் நாயகனாக நடிக்கிறார். இந்த திரைப்படத்தை ஸ்ரீ வெங்கடேஸ்வரா கிரியேஷன்ஸ் நிறுவனம் சார்பில் தயாரிப்பாளர் சிரீஷ் தயாரிக்கிறார். மேலும் இந்த திரைப்படத்தை தயாரிப்பாளர் தில் ராஜு வழங்குகிறார். 

இசை நிகழ்ச்சிகளிலும் , மேடையிலும்,  திரைப்படங்களிலும் நடனமாடி ரசிகர்களை உற்சாகப்படுத்தும் தேவி ஸ்ரீ பிரசாத் - மண்ணின் மணம் கமழும் பாரம்பரியம் மிக்க தொன்மையான கதாபாத்திரத்தினை ஏற்று நடித்து நாயகனாக அறிமுகமாவதால் ரசிகர்களிடத்தில் ' எல்லம்மா ' பற்றிய எதிர்பார்ப்பு ஏற்பட்டிருக்கிறது.

இதன் காரணத்தினால் இந்த காணொளி வெளியான குறுகிய கால அவகாசத்திற்குள் ஐந்து மில்லியனுக்கு மேற்பட்ட பார்வைகளால் பார்வையிடப்பட்டு சாதனை படைத்து வருகிறது.

இதனிடையே இசையமைப்பாளர் தேவி ஸ்ரீ பிரசாத் தமிழ் மற்றும் தெலுங்கு திரையுலகில் வெற்றிகரமான இசையமைப்பாளர் மற்றும் நட்சத்திர நடிகராக வலம் வரும் விஜய் அண்டனி¬ மற்றும் ஜீ வி பிரகாஷ்குமார் ஆகியோரைப் போல் புகழ்பெறுவார் என்பது குறிப்பிடத்தக்கது.