தவறவிடாதீர்கள்..!உடனே பதிவு செய்யுங்கள்

தமிழ் திரையுலகின் பிரபல நடிகரான சாந்தனு பாக்யராஜ் கதையின் நாயகனாக நடித்திருக்கும் 'மெஜந்தா' எனும் திரைப்படத்தின் கிளர்வோட்டம் வெளியிடப்பட்டிருக்கிறது.

இயக்குநர் பரத் மோகன் இயக்கத்தில் உருவாகியுள்ள 'மெஜந்தா' எனும் திரைப்படத்தில் சாந்தனு பாக்யராஜ், அஞ்சலி நாயர், அர்ச்சனா ரவிச்சந்திரன், ஆர் ஜே ஆனந்தி, பக்ஸ் பகவதி பெருமாள், படவா கோபி, சரத் ரவி , சௌந்தர்யா பிரியன் உள்ளிட்ட பலர் நடித்திருக்கிறார்கள். பல்லு ஒளிப்பதிவு செய்திருக்கும் இந்த திரைப்படத்திற்கு தருண் குமார் இசையமைத்திருக்கிறார்.ஷ

காதலைப் பற்றியும் காதலர்களை பற்றியும் உணர்வுபூர்வமாக விவரித்து இருக்கும் இந்த திரைப்படத்தை பிராண்ட் பிளிட்ஸ் என்டர்டெய்ன்மென்ட் நிறுவனம் சார்பில் தயாரிப்பாளர்கள் டொக்டர் ஜே பி லீலா ராம்-  கே. ராஜு - பி. சரவணன் - எல். ரேகா ஆகியோர் இணைந்து தயாரித்திருக்கிறார்கள்.

இப்படத்தின் அனைத்து பணிகளும் நிறைவடைந்து வெளியீட்டிற்காக காத்திருக்கும் தருணத்தில் இதன் கிளர்வோட்டம் வெளியிடப்பட்டிருக்கிறது‌ நடிகர் பக்ஸ் பகவதி பெருமாள் குரலில் வெளியாகி இருக்கும் இந்த கிளர்வோட்டத்தில் இடம் பிடித்திருக்கும் காட்சிகள்.. இளம் தலைமுறை ரசிகர்களை வெகுவாக கவர்ந்திருப்பதால்.. படத்தைப் பற்றிய எதிர்பார்ப்பு ஏற்பட்டிருக்கிறது.