தவறவிடாதீர்கள்..!உடனே பதிவு செய்யுங்கள்

தெலுங்கு நடிகர் விராட் கர்ணா கதையின் நாயகனாக நடித்து வரும் ' நாக பந்தம் ' எனும் திரைப்படத்தில் கதையின் நாயகியாக பார்வதி எனும் கதாபாத்திரத்தில் நடிக்கும் நடிகை நபா நடேஷின் கேரக்டர் லுக் போஸ்டர் வெளியிடப்பட்டிருக்கிறது.

இயக்குநர் அபிஷேக் நாமா இயக்கத்தில் தயாராகி வரும் 'நாக பந்தம்' எனும் திரைப்படத்தில் விராட் கர்ணா , நபா நடேஷ், ஜெகபதி பாபு, ஜெயப்பிரகாஷ், ஐஸ்வர்யா மேனன், முரளி சர்மா, பி. எஸ். அவினாஷ் உள்ளிட்ட பலர் நடித்து வருகிறார்கள். சௌந்தர்ராஜன் ஒளிப்பதிவு செய்து வரும் இந்த திரைப்படத்திற்கு அபே மற்றும் ஜுனைத் குமார் ஆகியோர் இணைந்து இசையமைத்து வருகிறார்கள். இந்தியாவில் உள்ள தொன்மையான வைணவ ஆலயங்களின் பின்னணியில் பிரம்மாண்டமான புராண திரைப்படமாக தயாராகும் இந்த திரைப்படத்தை அபிஷேக் அபிஷேக் பிக்சர்ஸ் நிறுவனம் சார்பில் தயாரிப்பாளர்கள் கிஷோர் அன்னபூ ரெட்டி மற்றும் நிஷிதா நாகி ரெட்டி ஆகியோர் இணைந்து தயாரிக்கிறார்கள்.

இப்படத்தில் பார்வதி எனும் வேடத்தில்  நடிக்கும் நடிகை நபா நடேசின் கதாபாத்திர தோற்ற புகைப்படத்தை பொங்கல் திருநாளை கொண்டாடும் வகையில் வெளியிட்டுள்ளனர். இந்த புகைப்படத்தில் பார்வதியின் தோற்றம் ரசிகர்களை வெகுவாக கவர்ந்திருக்கிறது. இந்தத் திரைப்படம் தமிழ், தெலுங்கு, மலையாளம், கன்னடம், இந்தி ஆகிய மொழிகளில் எதிர்வரும் கோடை விடுமுறையில் வெளியிடப்படும் வகையில் திட்டமிடப்பட்டு வருகிறது.