தவறவிடாதீர்கள்..!உடனே பதிவு செய்யுங்கள்

போதை பொருள் பாவனை தொடர்பான சர்ச்சையில் சிக்கிய நடிகர் கிருஷ்ணா கதையின் நாயகனாக நடிக்கும் 'தி மம்மி ரிட்டன்ஸ்' எனும் திரைப்படத்தின் தொடக்க விழா சென்னையில் சிறப்பாக நடைபெற்றது.

அறிமுக இயக்குநர் ஜெய் அமர் சிங் இயக்கத்தில் உருவாகும் 'தி மம்மி ரிட்டன்ஸ்' எனும் திரைப்படத்தில் கிருஷ்ணா, தேவதர்ஷினி , சுவாதி , ரெடின் கிங்ஸ்லி,  மாறன், தீபா உள்ளிட்ட பலர் நடிக்கிறார்கள்.

கார்த்திக் சுப்பிரமணியன் ஒளிப்பதிவு செய்யும் இந்த திரைப்படத்திற்கு சாம் சி. எஸ்.  இசையமைக்கிறார். கொமடி என்டர்டெய்னராக தயாராகும் இந்தத் திரைப்படத்தை பெப்பின் டி ரெய்சின் புரொடக்ஷன் நிறுவனம் சார்பில் தயாரிப்பாளர் பி. ஜே. கிஷோர் தயாரிக்கிறார்.

படத்தை பற்றி இயக்குநர் பேசுகையில், '' கதாநாயகனின் தாய் பல வருட கோமா பாதிப்பிற்கு பிறகு மீண்டு வருகிறார். அவரை காப்பாற்றுவதற்காக கதையின் நாயகன் அவர் வாழ்ந்த 1990களின் உலகை மீண்டும் உருவாக்குகிறார். இதனால் ஏற்படும் சங்கடங்களை நகைச்சுவைத் ததும்பும் திரைக்கதையாக உருவாக்கி இருக்கிறோம்'' என்றார்.

இப்படத்தின் தொடக்க விழாவில் பிரபல இயக்குநர்களான விஷ்ணுவர்தன் - ஐ. அகமத் ஆகியோர் சிறப்பு அதிதியாக பங்கு பற்றி படக்குழுவினருக்கு வாழ்த்து தெரிவித்தனர்.