தவறவிடாதீர்கள்..!உடனே பதிவு செய்யுங்கள்

நடிகர்கள் யுவன் கிருஷ்ணா-  ரிதன் கிருஷ்ணா ஆகியோர் கதையின் நாயகர்களாக அழுத்தமான வேடத்தில் நடித்திருக்கும் 'ஜாக்கி' எனும் திரைப்படத்தில் இடம்பெற்ற 'அலங்காரி ' எனத் தொடங்கும் புதிய பாடலும் , பாடலுக்கான லிரிக்கல் விடியோவும் வெளியிடப்பட்டிருக்கிறது.

இயக்குநர் டொக்டர் பிரபகல் இயக்கத்தில் உருவாகியுள்ள 'ஜாக்கி' எனும் திரைப்படத்தில் யுவன் கிருஷ்ணா, ரிதன் கிருஷ்ணாஸ்,  அம்மு அபிராமி, மதுசூதன் ராவ், சித்தன் மோகன் , சரண்யா ரவிச்சந்திரன், யோகி, சாய் தினேஷ் உள்ளிட்ட பலர் நடித்திருக்கிறார்கள்.

என். எஸ். உதயகுமார் ஒளிப்பதிவு செய்திருக்கும் இந்த திரைப்படத்திற்கு சக்தி பாலாஜி இசையமைத்திருக்கிறார். தமிழகத்தின் தூங்கா நகரம் என போற்றப்படும் மதுரை மற்றும் அதன் சுற்றுப்புறத்தில் நடைபெற்று வரும் கிடா சண்டை மையப்படுத்தி எக்சன் என்டர்டெய்னராக தயாராகி இருக்கும் இந்த திரைப்படத்தை பி கே 7 ஸ்டுடியோஸ் எல் எல் பி நிறுவனம் சார்பில் தயாரிப்பாளர்கள் பிரேமா கிருஷ்ண தாஸ்-  சி. தேவதாஸ் & ஜெயா தேவதாஸ் ஆகியோர் இணைந்து தயாரித்திருக்கிறார்கள்.

எதிர்வரும் 15 ஆம் திகதி தை திருநாள் அன்று உலகம் முழுவதும் பட மாளிகையில் வெளியாகும் என அறிவிக்கப்பட்டிருக்கும் இந்த திரைப்படத்தின் இடம்பெற்ற' அலங்காரி ஆலங்காரி ஆஞ்சுபுட்டாளே... குறும்பாட்டு பார்வையாலே மேஞ்சுபுட்டாளே.. ' எனத் தொடங்கும் இந்தப் பாடலும், பாடலுக்கான லிரிக்கல் விடியோவும் வெளியிடப்பட்டிருக்கிறது.

இந்தப் பாடலை பாடலாசிரியர் ஆர் . லவரதன் எழுத ,பின்னணி பாடகர் சத்ய பிரகாஷ் மற்றும் பின்னணி பாடகி ரக்ஷிதா சுரேஷ் ஆகியோர் இணைந்து பாடியிருக்கிறார்கள்.  கிராமத்து நிலவியல் பின்னணியுடன் மெல்லிசையாக உருவாகி இருக்கும் இந்த பாடல் அனைத்து தரப்பு இசை ரசிகர்களையும் வெகுவாக கவர்ந்து வருகிறது.