தவறவிடாதீர்கள்..!உடனே பதிவு செய்யுங்கள்

சிறிமா அம்மையார் , சந்திரிகா பண்டாரநாயக்க மற்றும் முதல் பெண் பிரதம நீதியரசர் சிராணி பண்டாரநாயக்கவுக்குப் பிறகு நாட்டின்  பொறுப்புள்ள ஒரு பதவியான  பிரதமர்  பதவிக்கு  தெரிவானவர்  கலாநிதி ஹரிணி அமரசூரிய. எனினும் இதற்கு முன்பு பொறுப்பான பதவிகளை அலங்கரித்த  பெண் ஆளுமைகளை விட  ஹரிணி கடும் சவால்களுக்கு முகங்கொடுத்துள்ளார் என்றே கூற வேண்டியுள்ளது.  அரசியல் ரீதியாகவும் பெண் என்ற வகையிலும் அவர் மீதான விமர்சனங்கள் நாளுக்கு நாள் அதிகரித்து வருகின்றன. பிரதமர்  ஒரு மேல்தட்டு வர்க்க கல்விப் புலத்தை பின்னணியாகக்கொண்டவர். வெளிநாடுகளில் கல்வி பயின்றவர். அவர் அணியும் உடைகள், உரையாற்றும் பாங்கு, தோற்றம்  போன்ற அம்சங்கள் இந்த நாட்டின் பழைமைவாத சிந்தனை கொண்ட அதே வேளை மக்களால் நிராகரிக்கப்பட்ட அரசியல்வாதிகளை எரிச்சலைடையச் செய்துள்ளது.