தவறவிடாதீர்கள்..!உடனே பதிவு செய்யுங்கள்

நானுஓயாவில் மோட்டார் சைக்கிளும் லொறியும் நேருக்கு நேர் மோதி விபத்துக்குள்ளானதில் ஒருவர் காயமடைந்துள்ளார்.

நுவரெலியா - ஹட்டன் ஏ7 பிரதான வீதியில் வெண்டிகோனர் பகுதியில் இன்று ஞாயிற்றுக்கிழமை (11) காலை  இந்த சம்பவம் இடம்பெற்றுள்ளது.

குறித்த விபத்தில் மோட்டார் சைக்கிளில் பயணித்த நபரொருவர் படுகாயமடைந்துள்ளார்.

நுவரெலியாவிலிருந்து  ஹட்டன் நோக்கி சென்ற மோட்டார் சைக்கிள் எதிர் திசையில் வந்த லொறியுடன் மோதியே விபத்துக்குள்ளாகியுள்ளது.

விபத்தில் காயமடைந்தவர் நுவரெலியா மாவட்ட பொது வைத்தியசாலையில் அனுமதிக்கப்பட்டுள்ளதுடன், மோட்டார் சைக்கிளும் பலத்த சேதமடைந்துள்ளது.

சம்பவத்துடன் தொடர்புடைய லொறியின் சாரதி கைது செய்யப்பட்டுள்ளதுடன்,  நானுஓயா பொலிஸார இந்த விபத்து தொடர்பான மேலதிக விசாரணைகளை மேற்கொண்டு வருகிறது.