தவறவிடாதீர்கள்..!உடனே பதிவு செய்யுங்கள்

இந்தோனேசியாவின் மத்திய ஜாவாவில் திங்கட்கிழமை (22) ஏற்பட்ட ஒரு பெரிய பேருந்து விபத்தில் குறைந்தது 16 பேர் கொல்லப்பட்டனர் மற்றும் 18 பேர் காயமடைந்துள்ளனர்.

விபத்து நடந்த நேரத்தில் பேருந்தில் 34 பயணிகள் பயணம் செய்ததாக வெளிநாட்டு ஊடகங்கள் தகவல்கள் தெரிவிக்கின்றன.

இந்தோனேசிய தலைநகர் ஜகார்த்தாவிலிருந்து யோககர்த்தா நகருக்கு பேருந்து சென்று கொண்டிருந்தது.

பேருந்து வீதியின் நடுவில் உள்ள ஒரு வேலியில் மோதி கவிழ்ந்ததாகக் கூறப்படுகிறது.

முதற்கட்ட விசாரணைகளின்படி, பேருந்து அதிவேகமாக இயக்கப்பட்டதே விபத்துக்கான காரணம்.

காயமடைந்த பயணிகள் உடனடியாக அருகிலுள்ள வைத்தியசாலைகளில் அனுமதிக்கப்பட்டனர்.