தவறவிடாதீர்கள்..!உடனே பதிவு செய்யுங்கள்

ஐஸ் போதைப்பொருளுடன் இரண்டு சந்தேகநபர்கள் கைது செய்யப்பட்டுள்ளனர்.

கொழும்பு வடக்கு குற்றப் புலனாய்வுப் பணியத்தினருக்கு கிடைத்த தகவலுக்கமைய ஞாயிற்றுக்கிழமை (14) காலை, முன்னெடுக்கப்பட்ட சுற்றிவளைப்பின்போதே இந்த கைது நடவடிக்கை இடம்பெற்றுள்ளது.

அதன்படி, கிராண்ட்பாஸ் பகுதியில் 113 கிராம் 100 மில்லிகிராம் ஐஸ் போதைப் பொருட்களுடன் ஒரு சந்தேகநபரையும், வெல்லம்பிட்டி பகுதியில் 62 கிராம் 100 மில்லிகிராம் ஐஸ் போதைப் பொருட்களுடன் மற்றொரு சந்தேகநபரையும் கைது செய்துள்ளனர்.  

சந்தேகநபர்கள் 27 மற்றும் 28 வயதுடைய, கொழும்பு-14 மற்றும் வெல்லம்பிட்டி பகுதிகளை சேர்ந்தவர்கள் என தெரியவந்துள்ளது.

கொழும்பு வடக்கு பிரிவு குற்றப் புலனாய்வுப் பணியகம், இந்த சம்பவம் தொடர்பான மேலதிக விசாரணைகளை மேற்கொண்டு வருகிறது.