தவறவிடாதீர்கள்..!உடனே பதிவு செய்யுங்கள்

அம்பாறை - சம்மாந்துறையில் மான் இறைச்சி, துப்பாக்கி மற்றும் தோட்டாக்களுடன் இருவர் கைது செய்யப்பட்டுள்ளனர்.

சம்மாந்துறை பொலிஸ் நிலைய ஊழல் ஒழிப்பு பிரிவினருக்கு கிடைத்த இரகசிய தகவலுக்கமைய, மேற்கொள்ளப்பட்ட சுற்றிவளைப்பின்போதே, இந்த கைது நடவடிக்கை முன்னெடுக்கப்பட்டுள்ளது.

நேற்று வெள்ளிக்கிழமை (12) இந்த சம்பவம் பதிவாகியுள்ளது.

கல்முனை பிராந்திய உதவிப் பொலிஸ் அத்தியட்சகரின்  ஆலோசனைக்கமைய, சம்மாந்துறை பொலிஸ் நிலைய பொறுப்பதிகாரியின் நெறிப்படுத்தலின்கீழ், ஊழல் ஒழிப்பு பிரிவு பொறுப்பதிகாரியின் தலைமையிலான குழுவினரால் இந்த சுற்றிவளைப்பு நடவடிக்கை முன்னெடுக்கப்பட்டமை குறிப்பிடத்தக்கது.

கைது செய்யப்பட்ட இரு சந்தேகநபர்கள் உள்ளிட்ட சான்றுப் பொருட்களை சம்மாந்துறை நீதிவான் நீதிமன்றத்தில் ஆஜர்படுத்துவதற்கான நடவடிக்கைகளை சம்மாந்துறை பொலிஸார் மேற்கொண்டு வருகின்றனர்.